اقتوبە وبلىسىنىڭ ەكونوميكالىق ءوسىمى اعىمداعى جىلدىڭ ون ايىندا بەس پايىزدى قۇرادى.

• مەملەكەت باسشىسىنىڭ تاپسىرمالارىن ءتيىمدى ىسكە اسىرۋدىڭ، جاڭا كاسىپورىنداردى ەنگىزۋدىڭ، قولدانىستاعى قۋاتتاردى جاڭعىرتۋ جانە سيفرلاندىرۋدىڭ ارقاسىندا بارلىق نەگىزگى الەۋمەتتىك-ەكونوميكالىق كورسەتكىشتەردىڭ قارقىندى ءوسۋى قامتاماسىز ەتىلدى،-دەپ اتاپ ءوتتى ءوڭىر باسشىسى.

اتاپ ايتقاندا، ونەركاسىپ ءوسىمى 5،7%-دى قۇراپ، جالپى العاندا 1،5 تريلليون تەڭگەنىڭ ونەركاسىپ ءونىمى ءوندىرىلدى. ءوڭىر سونداي-اق، ەكونوميكاعا ينۆەستيسيا تارتۋ جاعىنان كوش باسىندا تۇر. تارتىلعان ينۆەستيسيا ەسەپتىك كەزەڭدە 13،6%-عا نەمەسە 376  ملرد. تەڭگەگە وسكەن.

وبلىستىڭ شارۋالارى 193 ملرد. تەڭگەنىڭ ءونىمىن وندىرگەن، ءوسىم 3،6%، قولدانىستاعى شوب سۋبەكتىلەرىنىڭ سانى 6،4%-دى، ياعني 54 مىڭ بىرلىكتى قۇرادى.

ايتا كەتۋ كەرەك، بيىل اقتوبە وبلىسىنىڭ بيلىگى «كەدەرگىسىز بيزنەس» جوباسىن جۇزەگە اسىرىپ جاتىر. ونىڭ ناتيجەسى شوب ءوندىرىسىنىڭ 31،6%-دىق رەكوردتىق ءوسىمى بولدى.

وسى جىلدىڭ ەكى توقسانى ىشىندە 371،5 ملرد. تەڭگەگە تاۋارلار مەن ونىمدەر ءوندىرىلدى، 2017 جىلدىڭ وسىنداي كەزەڭىندە 282،3  ملرد. تەڭگەگە وندىرىلگەن بولاتىن.

قۇرىلىستا جۇمىس كولەمى 6،5%-عا وسكەن، جىل باسىنان بەرى شامامەن 600 مىڭ شارشى مەتر تۇرعىن ءۇي پايدالانۋعا بەرىلدى. جىل قورىتىندىسى بويىنشا 900 مىڭ شارشى مەترگە جۋىق تۇرعىن ءۇي سالۋ جوسپاردا بار.

ەكونوميكا ءوسىمى مەن الەۋمەتتىك تۇراقتىلىق وڭىردەگى جۇمىسسىزدىق دەڭگەيىن 4،8% -دان 4،7%-عا دەيىن تومەندەتۋگە مۇمكىندىك بەردى. 18،5 مىڭ جۇمىس ورنى قۇرىلدى.

بەردىبەك ساپاربايەۆ سونداي-اق، پرەزيدەنتتىڭ ەڭ تومەنگى ەڭبەكاقىنى كوتەرۋ تۋرالى تاپسىرماسىن ءتيىمدى ورىنداۋ ءۇشىن وبلىستا ەكونوميكانىڭ بارلىق سەكتورلارىنداعى ەڭبەكاقىعا قاتىستى اعىمداعى جاعدايدى ساراپتايتىن ارنايى توپ قۇرىلعانىن ايتتى.

• ناتيجەسىندە بۇگىندە 42 500 تەڭگەدەن از ايلىق الاتىن 77 مىڭ ادام انىقتالدى. ولاردىڭ ەڭبەكاقىلارى 2019 جىلدىڭ 1 قاڭتارىنان باستاپ كوتەرىلەتىن بولادى. ماسەلەن، ءبىلىم بەرۋ سالاسىندا 25 مىڭنان استام قىزمەتكەردىڭ ەڭبەكاقىسى ورتاشا العاندا 48،6 مىڭ تەڭگەگە دەيىن كوتەرىلەدى دەپ كۇتىلىپ وتىر،-دەدى ءسوزىن تۇيىندەگەن وبلىس اكىمى.