ءوڭىر باسشىسى بەردىبەك ساپاربايەۆتىڭ توراعالىعىمەن وتكەن جيىندا اقتوبە وبلىسىنىڭ وسى جىلعى 11 اي ىشىندەگى الەۋمەتتىك-ەكونوميكالىق دامۋىنىڭ قورىتىندىسى قارالدى.

ءوڭىر ەسەپتىك كەزەڭ ىشىندە قارىشتاپ دامۋىن جالعاستىردى. ەلباسىنىڭ ەكونوميكا ءوسىمىن بەس پايىزعا جەتكىزۋ تاپسىرماسى ورىندالدى. ەكونوميكا جانە بيۋدجەتتى جوسپارلاۋ باسقارماسىنىڭ باسشىسى گۇلقاسيما سۇيىنتايەۆانىڭ مالىمەتىنە سايكەس وڭدەۋ ونەركاسىبىنىڭ ءوسىمى 8،5%، اۋىل شارۋاشىلىعى - 4،1%، قۇرىلىس - 7% قۇراعان. 700 مىڭ شارشى مەتردەن استام تۇرعىن ءۇي پايدالانۋعا بەرىلدى. وبلىسقا تارتىلعان ينۆەستيسيا كولەمى 422،8 ملرد تەڭگەنى قۇراپ، 12%-دى قۇرادى.

وبلىس اكىمى: «ءبىزدىڭ مىندەتىمىز – وسى قارقىندى ساقتاپ، پرەزيدەنتتىڭ ەكونوميكا ءوسىمىن كەم دەگەندە 5 پايىز دەڭگەيىندە ءوسىرۋ تاپسىرماسىنىڭ تولىق ورىندالۋىن قامتاماسىز ەتۋ»،- دەگەن تاپسىرما قويدى.

بەردىبەك ساپاربايەۆ سونداي-اق، بيۋدجەت قاراجاتىنىڭ جۇمسالۋىن قاتاڭ قاداعالاپ، بيۋدجەتتىك باعدارلامالاردىڭ اكىمشىلەرىنە، اۋداندار مەن اقتوبە قالاسىنىڭ اكىمدەرىنە قارجىلاندىرۋ جوسپارلارىنا ساي تولىق ءارى ءتيىمدى يگەرۋدى تاپسىردى.

جيىن مەملەكەت باسشىسىنىڭ حالىق تابىسىن ارتتىرۋ باستاماسىنىڭ اقتوبە وبلىسىندا جۇزەگە اسىرىلۋ باراسىن قاراۋمەن جالعاستى. بۇدان بۇرىن حابارلانعانداي، پرەزيدەنتتىڭ ەڭ تومەنگى ەڭبەكاقىنى 42،5 مىڭ تەڭگەگە دەيىن كوتەرۋ تاپسىرماسىن ءتيىمدى ورىنداۋ ءۇشىن وبلىستا ەكونوميكانىڭ بارلىق سەكتورلارىنداعى ەڭبەكاقى تولەۋدىڭ اعىمداعى جاعدايىن تالدايتىن ارنايى جۇمىس توبى قۇرىلدى. جۇمىس توبى تەك وتكەن ايدىڭ ىشىندە ايلىعى 42،5 مىڭنان تومەن 12 100 قىزمەتكەردى قوسىمشا انىقتادى. ناتيجەسىندە، الدىن الا مالىمەتتەر بويىنشا 2019 جىلعى 1 قاڭتاردان باستاپ بيۋدجەت سالاسىنىڭ 42 مىڭنان اسا قىزمەتكەرىنىڭ، سونىمەن قاتار، جەكە سەكتوردا ەڭبەك ەتەتىن 39 مىڭعا جۋىق ادامنىڭ ايلىعى كوتەرىلەدى دەپ كۇتىلىپ وتىر.

باياندامانى تىڭداپ شىققان وبلىس اكىمى ەڭبەكاقىنى كوتەرۋ باستاماسىنا كىرەتىن ازاماتتاردىڭ ناقتى سانىن انىقتاۋ جۇمىستارىن جالعاستىرۋدى تاپسىردى.

اتالمىش سۇراقتى تالقىلاۋ كەزىندە ءوڭىر باسشىسى جۇمىس بەرۋشىلەرگە جاڭا جىل الدىندا سىياقى تولەۋ قاجەتتىگىن اتاپ ءوتتى. ونىڭ پىكىرىنشە، بۇل شاعىن تولەمدەر ەمەس، سالماقتى سىياقىلار بولۋى كەرەك. ايتا كەتەيىك، وبلىس اكىمدىگى سونداي-اق، وڭىردەگى مەكەمەلەر مەن كاسىپورىندارعا ق ر تاۋەلسىزدىگى كۇنىن مەرەكەلەۋ الدىندا

قىزمەتكەرلەرىنە سىياقى بەرۋلەرى تۋرالى ءتۇسىندىرۋ جۇمىستارىن كەڭىنەن جۇرگىزدى.

بۇدان باسقا، «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسىنىڭ 11 اي ىشىندە جۇزەگە اسىرىلۋىنىڭ قورىتىندىسى تالقىلاندى. قازىرگى تاڭدا اتالمىش باعدارلاما بويىنشا جىلدىق جوسپار بەس پايىزعا ورىندالىپ، 46 مىڭنان استام ادام جۇمىسقا ورنالاستى، - دەدى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى قايرات وتاروۆ.

ونىڭ ايتۋىنشا، بيىلعى قىركۇيەك ايىنان باستاپ 1085 ادام تەگىن ارنايى ورتا ءبىلىم الۋعا كىرىسكەن. بۇدان باسقا، قىسقا مەرزىمدى كاسىبي كۋرستارعا 2 300-گە جۋىق جۇمىسسىز تۇسسە، ولاردىڭ 1674ء-ى وقۋىن اياقتاپ، جۇمىسقا ورنالاسقان. باعدارلاما اياسىندا قالا مەن اۋىلداردا بيزنەس باستامالاردى شاعىن نەسيەلەۋ جۇمىستارى دا بەلسەندى ءجۇرىپ جاتىر. بۇگىندە 972 اقتوبەلىك بيزنەسىن اشىپ، دامىتۋ ءۇشىن جالپى سوماسى 4،4 ملرد تەڭگە كولەمىندە شاعىن نەسيە العان.