2019 جىلدىڭ 1 قاڭتارىنان باستاپ رەسپۋبليكاداعى بارلىق ەمحانا مەن اۋرۋحانا شەكسىز قاعازداردان قۇتىلادى. ءبارى ەلەكتروندىق فورماتتا جۇزەگە اساتىن بولادى.

ەلباسى حالىققا جولداۋىندا مەديسينالىق قىزمەتتىڭ ساپاسىنا ەرەكشە كوڭىل ءبولىپ وتكەن. «حالىقتىڭ قالىپتى جاعدايى ءۇشىن مەديسينالىق قىزمەتتىڭ ساپالى بولۋى اسا ماڭىزدى» دەگەن ەدى نۇرسۇلتان نازاربايەۆ. مەديسينانى سيفرلاندىرعاننان ەلىمىز نە ۇتادى؟ دەنساۋلىق ساقتاۋ ساقتاۋ جۇيەسىندە نە وزگەرەدى؟ انىقتاپ كورەيىك...

مەديسينالىق قىزمەتتىڭ ساپاسىن ارتتىرۋدا ەڭ الدىمەن ەلەكتروندى دەنساۋلىق ساقتاۋ سالاسىن دامىتۋ ءارى قۇجات الماسۋ جۇيەسىن قاعازدارسىز جۇزەگە اسىرۋدى دامىتۋ كەرەك. وسى ورايداعى جۇمىستار بەلسەندى جۇزەگە اسىپ جاتىر.

بۇگىنگى تاڭدا مەديسينالىق قۇجاتتامانىڭ 121 فورماسىنىڭ 64ء-ى قاعازسىز جۇيەگە ەنگەن. 727 تاۋەلسىز مەديسينالىق ۇيىمنىڭ 674ء-ى قۇجاتتامانى ەلەكتروندىق فورماتتا جۇزەگە اسىرىپ وتىر. ال 2019 جىلدىڭ 1 قاڭتارىنان باستاپ مەملەكەت باسشىسىنىڭ تاپسىرماسىنا وراي بارلىق اۋرۋحانا مەن ەمحانا تۇگەل قاعازسىز جۇيەگە وتەدى. قازىرگى تاڭنىڭ وزىندە دەنساۋلىق ساقتاۋ ۇيىمدارىنىڭ 99  پايىزى مەديسينالىق اقپاراتتىق جۇيەمەن جابدىقتالعان، مەديسينا قىزمەتكەرلەرىنىڭ 90،8 پايىزى كومپيۋتەرمەن جابدىقتالعان.

ەلدەگى مەديسينا سالاسىن سيفرلاندىرۋدىڭ كورىنىسى رەتىندە قوستانايداعى №4 قالالىق اۋرۋحانانى كەلتىرۋگە بولادى. 2010 جىلى «100 مەكتەپ، 100 اۋرۋحانا» باعدارلاماسى اياسىندا سالىنعان ەمحانا پيلوتتىق رەجيمدە بەلسەندى جۇمىس ىستەپ كەلەدى.

ءوزىنىڭ جەكە سەرۆەرى بار، ءار قىزمەتكەردىڭ جۇمىس ۇستەلىندە كومپيۋتەر ورنالاسقان. ءارى ەمحانا «قاعازسىز اۋرۋحانا» جوباسى اياسىندا شەكسىز قاعازداردان باس تارتقانداردىڭ العاشقىسى بولدى. بۇگىندە ەمحانادا قۇجاتتاما ەلەكتروندىق فورماتتا جۇزەگە اسى جاتىر. دارىگەرگە جازىلۋ ءۇشىن پاسيەنت ۇيدەن شىعىپ نەمەسە تەلەفون شالىپ اۋرە بولمايدى. DamuMed قوسىمشاسى ارقىلى دارىگەرگە جازىلادى، سونىمەن قاتار دارىگەردى ۇيگە شاقىرا الادى.

سونىمەن قاتار، مەديسينالىق اقپاراتتىق جۇيەنىڭ ارقاسىندا رەسپۋبليكاداعى دەنساۋلىق ساقتاۋ ۇيىمدارىنىڭ بيزنەس-ۇردىستەرىن دە سيفرلاندىرۋ قامتاماسىز ەتىلگەن. بۇعان قوسا، ەلەكتروندىق دەنساۋلىق پاسپورتى ءۇشىن قاجەتتى اقپارات جيناۋ جۇيەسى قالىپتاستى. ءقازىردىڭ وزىندە مەديسينالىق اقپاراتتىق جۇيە وڭىرلىك دەڭگەيدە دامىعان، 10،2 ميلليونعا جۋىق دەنساۋلىق ساقتاۋ پاسپورتى تولتىرىلعان.

سونداي-اق، 546-عا جۋىق سيفرلىق ساۋاتتىلىق پوستتارى قۇرىلدى. ماقساتى – تۇرعىنداردى سيفرلىق جۇيەگە ۇيرەتۋ، باۋلۋ.

مۇنىڭ ءبارى تۇرعىنداردىڭ ءارقايسىسى ءوز دەنساۋلىقتارىنا بۇرىنعىدان دا قاتتى كوڭىل ءبولىپ، دەنساۋلىق ساقتاۋ قىزمەتىنە دەگەن سەنىمدەرىنىڭ نىعايۋىنا سەپتەسەتىن ۇردىستەر.

دەنساۋلىق ساقتاۋ سالاسىن سيفرلاندىرۋ مەن قۇجاتتامانى قاعازسىز جۇزەگە اسىرۋ تۋراسىندا ءسوز بولعان كەزدە ءموبيلدى قوسىمشانىڭ دا ءرولى ماڭىزدى ەكەنىن ەسكەرە كەتكەن ءجون. بۇل تۋرالى تولىق اقپارات قازاقستان رەسپۋبليكاسى دەنساۋلىق ساقتاۋ مينيسترلىگى «ەلەكتروندىق دەنساۋلىق ساقتاۋدىڭ رەسپۋبليكالىق ورتالىعىنىڭ» سايتىندا كورسەتىلگەن.

بۇگىندە زاماناۋي تەحنولوگيانىڭ ارقاسىندا وسىنداي ەلەكتروندىق قىزمەتتەر جۇزەگە اسىپ كەلەدى.