بۇگىن تۇركىستان وبلىسىنىڭ اكىمى جانسەيىت تۇيمەبايەۆ وبلىس ورتالىعى - تۇركىستان قالاسىنىڭ اكىمشىلىك-ىسكەرلىك ورتالىعىندا بوي كوتەرىپ جاتقان 26 تۇرعىن ءۇيدىڭ قۇرىلىس جۇمىستارىمەن تانىستى. 1536 پاتەردەن تۇراتىن باسپانالاردىڭ 1200 پاتەرى (20 تۇرعىن ءۇي) ارەندالىق ۇيلەر بولسا، قالعان 6 تۇرعىن ءۇي، ياعني 336 پاتەر كرەديتتىك باسپانالار قاتارىندا. 

ىرگەتاسى وسى جىلدىڭ قىركۇيەك ايىندا قالانىپ، مەملەكەتتىك بيۋدجەت ەسەبىنەن سالىنىپ جاتقان 60 پاتەرلى 20 تۇرعىن ءۇيدىڭ 11ء-ى (660 پاتەر) 2019 جىلدىڭ ءساۋىر ايىندا تاپسىرىلادى. ال 9 تۇرعىن ءۇي (540 پاتەر) كەلەر جىلدىڭ قاراشا ايىنا ەل يگىلىگىنە بەرىلمەك.  كرەديتتىك كوپقاباتتى 6 تۇرعىن ءۇيدىڭ (336 پاتەر) قۇرىلىس جۇمىستارى 2019 جىلدىڭ ماۋسىم ايىندا اياقتالىپ، پايدالانىلۋعا تاپسىرىلادى.

جاڭا اكىمشىلىك-ىسكەرلىك ورتالىقتا مەملەكەتتىك-جەكەشەلىك ارىپتەستىك ارقىلى 280 ورىندىق جاڭا بالاباقشانىڭ قۇرىلىسى دا حالىق يگىلىگىنە تاپسىرىلدى. سونداي-اق، 900 ورىندىق مەكتەپتىڭ ەسىگىن جاڭا وقۋ جىلىنا دەيىن اشۋ جوسپارلانۋدا. 

جاڭا وبلىس ورتالىعى تۇركىستان قالاسىنىڭ اكىمشىلىك-ىسكەرلىك ايماعىندا ءقازىر جاڭا اكىمشىلىك عيماراتى، باسقارمالار جانە دەپارتامەنتتەر ۇيلەرى، سونداي-اق، 5 جۇلدىزدى «ريكسوس» قوناق ءۇيىنىڭ قۇرىلىسى باستالىپ كەتتى. 

تۇركىستان وبلىسى اكىمىنىڭ باسپا ءسوز قىزمەتى