قىلمىس ۇستىندە ۇستالعان براكونەرلەر ينسپەكتوردى ولتىرگەن. بۇل جايىندا ق ر اشم ورمان شارۋاشىلىعى كوميتەتىنىڭ ءباسپاسوز-حاتشىسى ساكەن دىلداحمەت حابارلادى.

ينسپەكتورلار 2019 جىلدىڭ 13 قاڭتارىندا قاراعاندى وبلىسىنىڭ نۋرين اۋدانىنا رەيد جاساۋعا شىققان. سول جەردە اتىلعان 5 كيىكتىڭ دەنەسىن تاۋىپ العان. سونىمەن قاتار، Toyota Land Cruiser ماركالى ەكى اۆتوكولىكتى كورگەن، ولاردىڭ نومىرلەرى تىركەلمەگەن ەكەن.

«كولىكتى ءتىنتۋ بارىسىندا ولارعا بەلگىسىز بىرەۋلەر قارسىلىق كورسەتكەن. سونىڭ سالدارىنان ءبىر ينسپەكتوردىڭ جاعى سىنىپ، ال ەكىنشى ينسپەكتور باس-سۇيەك جاراقاتىن الىپ، ءبىرشاما ۋاقىت اۋرۋحانادا ەس-تۇسسىز جاتقان. الايدا، دارىگەرلەر ەكىنشى ينسپەكتوردىڭ ءومىرىن ساقتاپ قالا المادى. وقيعا ورنىندا قۇقىق قورعاۋ ورگاندارىنىڭ توبى تەرگەۋ ءىسىن جۇرگىزەتىن بولادى»، - دەيدى ءباسپاسوز-حاتشىسى.

ايتا كەتەيىك، اتالمىش وقيعاعا بايلانىستى ق ر قىلمىستىق كودەكسىنىڭ 2 بابىنا سايكەس قىلمىستىق ءىس قوزعالىپ، كۇدىكتىلەردى قولعا ءتۇسىرۋ جۇمىستارى جۇرگىزىلۋدە.