قازاقستان رەسپۋبليكاسىنىڭ جوعارعى سوتى «ارقانكەرگەن» وقيعاسىنا قاتىستى ءىستى قايتا قاراۋ تۋرالى ءوتىنىشتى تالقىلادى، دەپ حابارلايدى Qamshy.kz اقپارات اگەنتتىگى  informburo.kz سايتىنىڭ مالىمەتتەرىنە سۇيەنىپ. چەلاح سوتتان ۇكىمدى الىپ تاستاۋ مەن ءوز قۇقىنىڭ تاپتالعانى ءۇشىن 30 ميلليون تەڭگە وتەماقى تولەۋدى تالاپ ەتتى. 

ول سوتتىڭ ءبىرىنشى ساتىسىندا ءوزىن قورعاۋ ىسىندە جەكە قۇقى تاپتالعانىن ايتىپ شاعىمداندى. جوعارعى سوت كاسساسيالىق ساتىدا ونى ءومىر بويى باس بوستاندىعىنان ايىرۋ جازاسىنا قاتىستى ۇكىمدى قايتا قاراۋعا كىرىسىپ كەتتى.
«بۇۇ كوميتەتى قازاقستان رەسپۋبليكاسى سوتتالعان چەلاحقا قاتىستى «ازاماتتىق جانە ساياسي قۇقىقتار تۋرالى» حالىقارالىق پاكتىنىڭ 14-بابىن بۇزعان دەپ شەشتى، بۇل تۋرالى بۇۇ كوميتەتى ق ر باس پروكۋراتۋراسىنا قازاقستان ۆلاديسلاۆ چەلاحقتىڭ قۇقىن ءتيىمدى قورعاۋدى ۇيىمداستىرۋعا مىندەتتى ەكەنىن ەسكەرتكەن»، - دەدى ادۆوكات گۇلميرا شالدىقوۆا سوت وتىرىسىندا.
باس پروكۋراتۋرا حابارلامادان كەيىن چەلاحقا سوتقا جۇگىنۋدى ۇسىندى. ول جوعارعى سوتتان ءبىرىنشى ساتىداعى سوتتىڭ ۇكiمiن قايتا قاراپ، قىلمىستىق iستi قوسىمشا تەرگەۋگە جiبەرۋگە جانە قىلمىستىق iزگە ءتۇسۋ ورگاندارىنىڭ قۇقىقتاردى بۇزا وتىرىپ العان ءىس-قۇجاتتارىن جوققا شىعارۋىن سۇرادى..

«ۆلاديسلاۆ چەلاحتىڭ قۇقىقتارى بۇزىلعانى ءۇشىن وعان 30 ميلليون تەڭگە كولەمىندە وتەماقى تولەۋدى تالاپ ەتەمىن. چەلاحتىڭ جوعارعى سوتقا جازعان شاعىمدارىنىڭ تولىقتاي زاڭعا ساي ەكەنىن راستايمىن. ونىڭ شاعىمىن قاناعاتتاندىرۋلارىڭىزدى سۇرايمىن»،- دەدى ادۆوكات ءوز سوزىندە.

پروكۋرور مارات نۋرمۋحامەدوۆ چەلاحقا تاعىلعان ايىپ پەن شىعارىلعان ۇكىم تولىقتاي زاڭعا ساي  ەكەنىن ايتتى.  سونداي-اق، وعان قاتىستى شىعارىلعان ۇكىم وقيعا ورنىنان الىنعان دالەلدەرگە، قازاقستاندىق جانە نەمىس ساراپشىلارىنىڭ قاتىسۋىمەن جۇرگىزىلگەن سوت-مەديسينالىق ساراپتاماسىنىڭ قورىتىندىسىنا، چەلاحتىڭ قاسىنداعى ادامعا ءوز اۋزىمەن ايتقان اڭگىمەسىنە بايلانىستى ايعاقتارعا ساي ورىندالدى. ال تەرگەۋ ءىسى كەزىندە چەلاحقا ەشقانداي قىسىم كورسەتىلمەگەنىن ەسكەرتتى.

♦22 قاڭتاردا جوعارعى سوت چەلاحتىڭ ءىسىن قايتا قارايدى

ەستەرىڭىزگە سالا كەتەيىك، وسى جىلدىڭ 18 قاڭتارىندا ءومىر بويىنا باس بوستاندىعىنان ايىرىلعان ۆلاديسلاۆ چەلاح ق ر جوعارعى سوتىنا ءوز ءىسىن قايتا قاراۋعا ءوتىنىش بەرگەن بولاتىن.

چەلاح 2012 جىلدىڭ مامىرىندا الماتى وبلىسى ماڭىنداعى «ارقانكەرگەن» شەكارا بەكەتىندە 14 شەكاراشى ساربازدى اتىپ سالىپ، كازارمانى ورتەپ، وقيعا ورنىنان قاشىپ كەتكەنى بەلگىلى. جەلتوقسان ايىندا ۆلاديسلاۆ چەلاحقا ءومىر بويىنا باس بوستاندىعىنان ايىرۋ جازاسىن كەستى. 

2017 جىلدىڭ 7 قاراشاسىندا بۇۇ-نىڭ ادام قۇقىقتارى جونىندەگى كوميتەتى ۆلاديسلاۆ چەلاحتىڭ كىنالى، نە كىناسىز ەكەنىنە قاراماستان، سوت بارىسىندا وعان قىسىم كورسەتىلگەنىن مويىنداعان بولاتىن.