ەنەرگەتيكا ءمينيسترى قانات بوزىمبايەۆ الماتىدا اي-92 ماركالى بەنزيننىڭ ارزانداۋ سەبەبىن ءتۇسىندىردى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الىپ. 

"ءقازىر قازاقستاندا بەنزيننىڭ ارتىلىپ قالىپ جاتقانى بايقالۋدا. قاڭتاردان بەرى وسىلاي"، — دەدى مينيستر ۇكىمەت كۋلۋارىندا. 

ايتۋىنشا، شىمكەنتتىڭ مۇناي وڭدەۋ زاۋىتىندا، جالپى ەلدە تاۋاردىڭ ارتىلىپ، بارلىق رەزەرۆۋاردىڭ تولىپ قالۋ ءقاۋپى تۋىنداعان. سوندىقتان ءموز-دىڭ جۇكتەمەسى تومەندەتىلگەن.

سونداي-اق، بوزىمبايەۆ الماتىدا جانار-جاعارماي باعاسىنىڭ تومەندەۋى – نارىق رەاكسياسى ەكەنىن اتاپ ءوتتى. 

"قازىرگى تاڭدا بەنزين باعاسى رەتتەلمەيدى. شامامەن 150 تەڭگە شاماسىندا قالادى دەپ بولجاپ وتىرمىز"، — دەدى مينيستر. 

ايتا كەتسەك، بۇگىن ءبىرقاتار ب ا ق الماتىدا بەنزين ارزانداعانىن حابارلاعان ەدى.