2019 جىلدىڭ 23 قاڭتارىندا تارازدىق شەكارا بولىمشەسى «جاسوركەن» شەكارا بەكەتىنە قاراما-قارسى تۇستا قىرعىز رەسپۋبليكاسىنىڭ شەكارا قىزمەتكەرلەرى 10 جىلقىنى قىرعىزستاننان قازاقستانعا الىپ كىرىپ، ءتارتىپ بۇزباق بولعان 3 قىلمىسكەردى قولعا ءتۇسىردى. بۇل جايىندا Qamshy.kz اقپارات اگەنتتىگى ۇقك باسپا ءسوز قىزمەتىنىڭ دەرەگىنە سۇيەنە وتىرىپ حابارلايدى.

«قىلمىسكەرلەردى قولعا ءتۇسىرۋ بارىسىندا ولار سۋىق قارۋمەن قارسىلىق كورسەتكەن. جاعدايعا بايلانىستى قىرعىز شەكارا قىزمەتكەرلەرى وق اتۋعا ءماجبۇر بولدى. سونىڭ سالدارىنان ءبىر قىلمىسكەرگە وق ءتيىپ، قالعان ەكەۋى جىلقىلارمەن بىرگە قازاقستان اۋماعىنا قاشىپ كەتكەن.

بۇگىن ساعات 12:15 شاماسىندا وق تيگەن قىلمىسكەر تالاس ايماعىنداعى اۋرۋحاناعا بارار جولدا كوز جۇمدى»، - دەلىنگەن حابارلامادا.

بەلگىلى بولعانداي، كوز جۇمعان قىلمىسكەر قازاقستان رەسپۋبليكاسىنىڭ ازاماتى ەكەن.

ءقازىر بۇل ىسكە قاتىستى تاراز شەكارا قىزمەتكەرلەرى شەكارانى بۇزىپ قاشىپ كەتكەن قىلمىسكەرلەر مەن جىلقىلاردى ىزدەۋدە.

ايتا كەتەيىك، قازا تاپقان قازاقستاندىق ازامات وسى ۋاقىتقا دەيىن ق ر قىلمىستىق كودەكسىنىڭ 192 بابى – ق ر شەكاراسىن زاڭسىز كەسىپ ءوتۋ – بويىنشا سوتتى بولعان.