قازاقستاننىڭ ورتالىق ءارحيۆى يوسيف ستالينگە قىسقا حات جازىپ، ۋلتيماتۋم قويۋعا باتىلى جەتكەن ەرجۇرەك قازاق قىزى حاليدا مامانوۆانىڭ ءومىر تاريحىن جاريالادى دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ. 

باي تۇقىمىنان شىققاندىقتان وعان شەننىڭ ورنىنا ءقابىر قازۋعا كۇرەك بەرىپ، ءتىپتى، حالىق جاۋى دەپ جاريالاپ جىبەرە جازداعان. دەگەنمەن بويجەتكەن گەنەراليسسيمۋستىڭ بۇيرىعىمەن مايدانعا اتتانىپ، بۇكىل سوعىستى باستان كەشىپ، وفيسەرلىك پوگونعا قول جەتكىزگەنشە تىنباعان.

حاليدا مامانوۆا 1918 جىلى الماتى وبلىسىندا تۋعان. ول سوعىس جىلدارىندا شترافروتادا قىزمەت ەتكەن جالعىز قازاق ايەلى.

مەديسينالىق قىزمەتتىڭ كاپيتانى شەنىندە بەرلينگە دەيىن بارعان.

سوعىستان كەيىن مەديسينا عىلىمدارىنىڭ دوكتورى دەگەن عىلىمي اتاق الدى. ۇزاق ۋاقىت اقتوبە مەديسينا ينستيتۋتىندا كافەدرا مەگەرۋشىسى بولدى. ونكولوگيالىق اۋرۋلاردى ەمدەۋ پروبلەماسىمەن اينالىستى. 1977 جىلدىڭ 15 تامىزىندا بولگارياعا ءىسساپارى كەزىندە كوز جۇمدى.     

بۇگىندە الماتى ارحيۆىندە 200 مىڭ بىرەگەي قۇجات ساقتاۋلى تۇر. ولاردىڭ اراسىندا سيرەك كەزدەسەتىن فوتوسۋرەتتەر، فيلمدەر، مايدانگەرلەردىڭ قۇپيا قۇجاتتارى مەن حاتتارى بار. ارحيۆ عيماراتىنا كەز كەلگەن ادام كىرە المايدى. ءتىپتى مەكەمەنىڭ بارلىق قىزمەتكەرى بىردەي ەسكى پاپكالار جانە قاعازدارعا قول جەتكىزە المايتىن كورىنەدى.

ۇسىنعان: اسەل بولات قىزى