وتىز جىل ەلگە پانا بولعان تۇلعا
كەتتى دە ابىرويى زور قالپىندا
بوساعامدى بەكىتكەن نۇر اعام دەپ
كوڭىلى بوساعان ەل قالدى ارتىندا
جەتەلە دەپ بيىككە حالقىڭدى ءارى
قيمايدى ونى قالىڭ ەل ارتىنداعى
قۇلاش جايعان قازاقتىڭ بايتەرەگىن
ءوز قولىمەن وسىرگەن نارتۇلعانى
بۇنداي مۇڭدى بوپ ەدى ناۋرىزىم قاي؟
كوڭىلى ەرىپ كوكتەمنىڭ قار-مۇزىنداي
ەركەلىگى ەلدىڭ دە ساپ تيىلدى
اكەسىنەن كوز جازعان جالعىز ۇلداي.
♦"كەتكەنمەنەن پرەزيدەنتتىك ورىننان، جۇرەگىمنەن كەتپەيتۇعىن نۇرىمسىز"
جۇرەكتەگى يمانىن راستاپ بەرىپ،
يمامدارمەن جۇزدەستى ماقسات كورىپ.
ەلباسى ءوز قىزمەتىن اياقتادى
اللا ءۇيىن سالۋدى باستاپ بەرىپ.
ەلباسى ءىسىن جاساپ ۇزدىك ەردىڭ،
دالەلدەدى جولىمەن ىزگىلەردىڭ
ءبىر اللادان باسقاعا قۇل بولمايتىن
مۇسىلمان ەل ەكەنىن ءبىزدىڭ ەلدىڭ.
كوشىن سۇيرەپ قازاقتىڭ جول باستاعان
ارتىق تۋعان جان ەدى ول باسقادان
ءوز قازاعىن ايالاپ قانشاما جىل
قاناتتىعا قاقتىرماي قورعاشتاعان.
جەتكىزگەن قازاق قولىن دارا باققا،
وسىلاي تۇتاس ءداۋىر قالادى ارتتا
اياعىنا تۇرعىزعان مەملەكەتتى
ەرىڭ كەتسە، قازاعىم، شارا جوق پا؟
ەل بولايىق قيانات جاساپ الماي
ەلباسىمىز قالدىرعان اماناتقا.
سىرىم اۋەزحان
ۇسىنعان: اسەل بولات قىزى
پىكىر قالدىرۋ