قاۋىپسىزدىك كەڭەسىنىڭ ءتوراعاسى رەتىندە

كونستيتۋسيالىق ورگاننىڭ جۇمىسىنا جەتەكشىلىك ەتە الادى، كەڭەستەر وتكىزە الادى؛

قاۋىپسىزدىك كەڭەسىنىڭ قىزمەتىنە بايلانىستى ءنورماتيۆتى-زاڭدىق نەگىزدەگى اكتىلەردى شىعارا الادى؛

قاۋىپسىزدىك كەڭەسى كونستيتۋسيالىق سوتتىڭ فۋنكسياسىن اتقاراتىندىقتان بيلىك تارماقتارىنىڭ اراسىنداعى كونفليكتتەردى شەشە الادى، شىعارىلاتىن زاڭدارعا ۆەتو سالۋ قۇقىعىنا يە؛

ۇلتتىق قاۋىپسىزدىك پەن قورعانىس قابىلەتىنە قاتىستى ق ر زاڭدارىنىڭ جۇزەگە اسىرىلۋىن باقىلاۋ مۇمكىندىگىنە يە؛

قوعامدىق ءتارتىپ پەن قاۋىپسىزدىك، قورعانىس قابىلەتىن ساقتاۋ ماقساتىندا بولىنەتىن قاراجاتتىڭ دۇرىس يگەرىلۋىن باقىلاۋ مۇمكىندىگىنە يە؛

• پرەزيدەنتكە تىكەلەي باعىنىشتى جانە ەسەپ بەرۋگە مىندەتتى باسشىلىقتاعى قىزمەتكەرلەرگە ۇمىتكەر كانديداتۋرالاردى تالقىلاۋ بارىسىنا قاتىسۋ قۇقىعىنا يە؛

«نۇر وتاننىڭ» ءتوراعاسى رەتىندە

مەملەكەت پارلامەنتىندە (ءماجىلىس، سەنات) باسقارۋشى پارتياسىنىڭ وكىلدەرى كوپ. كونستيتۋسيالىق رەفورماعا سايكەس پرەزيدەنتتىڭ قۇزىرەتى ازايعانىمەن، پارلامەنتتىڭ قۇزىرەتى ارتا تۇسەدى.

پارلامەنت ماجىلىستەگىلەردىڭ باسىمدىق داۋىسىن پايدالانا وتىرىپ پرەزيدەنتكە پرەمەر-مينيستردى تاعايىنداۋعا رۇقسات بەرە الادى، مينيسترلەر كابينەتىنە سەنىمسىزدىك ارتىپ، ۆوتۋم بىلدىرە الادى. ءماجىلىس سونىمەن قاتار پرەزيدەنتتىڭ كەزەكتى سايلاۋىن حابارلايدى؛

تۇڭعىش پرەزيدەنت – ۇلت كوشباسشىسى – ەلباسى رەتىندە

ەلباسى ستاتۋسى «حالىق قاھارمانى» دارەجەسىنە يە. التىن جۇلدىز –ەرەكشەلىك بەلگىسى مەن «وتان» وردەنىنىڭ يەگەرى. ەلباسىنىڭ دەربەس قۇقىقتارى جەتىپ ارتىلادى.

ەلباسى ماڭگىلىك مىنانداي قۇقىقتارى بار:

ەل قاۋىپسىزدىگى، ىشكى جانە سىرتقى ساياسات ماسەلەلەرىن قوزعاي وتىرىپ قازاقستان حالقىنا، مەملەكەتتىك ورگاندارعا، جوعارى لاۋازىم يەلەرىنە ۇندەۋ جاريالاي الادى؛

پارلامەنت پەن ونىڭ پالاتالارى الدىندا، ۇكىمەت وتىرىستارىندا ءسوز سويلەي الادى؛

قازاقستان حالقى اسسامبلەياسىن باسقارا الادى؛

مەملەكەتتىڭ ىشكى جانە سىرتقى ساياساتىنا قاتىستى دۇنيەلەر قازاقستاننىڭ تۇڭعىش پرەزيدەنتى – ەلباسىنا ايتىلىپ، اقىل-كەڭەسى ايتىلادى؛

ەلباسىنىڭ قادىر-قاسيەتىنە تۇسىرەتىن ىس-ارەكەتكە بارۋ، ونىڭ فوتوسۋرەتتەرىن قور قىلۋ زاڭمەن قۋدالانادى؛

ەلباسى قازاقستان تەرريتورياسى اۋماعىندا پرەزيدەنتتىك، ۇكىمەتتىك بايلانىس قۇرالدارىن ماڭگىلىك قولدانا الادى؛ 

ەلباسىنىڭ جۇرگەن جەرىندە مەملەكەتتىك كۇزەت ونىڭ قاۋىپسىزدىگىن باقىلاماق؛

ەلباسىنىڭ قىزمەتتىك پاتەرى مەن مەملەكەتتىك ساياجايى ونىڭ جەكە مەنشىگىنە وتەدى. ولە ولگەنشە مەملەكەت تاراپىنان جۇرگىزۋشىسى بار اۆتوكولىك ۇسىنىلادى. ەلباسىمەن بىرگە تۇراتىن وتباسى مۇشەلەرى دە قىزمەتتىك اۆتوكولىكتى پايدالانا الادى؛

ەل ىشىندە تەگىن ساياحات جاساي الادى. رەسمي تۇلعالار مەن دەلەگاسيالارعا ارنالعان زالداردى تەگىن قولدانا الادى؛

ەلباسى جانە ونىمەن بىرگە شاڭىراقتا تۇراتىن جاقىندارى تەگىن مەديسينالىق قىزمەت الۋعا، تەگىن ساناتورلى-كۋرورتتىق ەم قابىلداۋعا قۇقىلى؛

ەلباسى ق ر پرەزيدەنتى ايلىعىنىڭ 80%-ن اي سايىن زەينەتاقى رەتىندە الا الادى.

ۇسىنعان: جازيرا بايدالى