بۇگىن بۇرىنعى سەنات ءتوراعاسى قاسىم-جومارت توقايەۆ پارلامەنت ءماجىلىسىنىڭ ۇيىندە انت قابىلدادى دەپ حابارلايدى Qamshy.kz اقپارات اگەنتتىگى.
♦قاسىم-جومارت توقايەۆ پرەزيدەنت وكىلەتتىگىن قابىلداپ الدى
زال تورىنە ءبىرىنشى شاقىرىلعان قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆقا دەپۋتاتتار ۇزاق قول سوقتى. ءتىپتى ەلباسىن قيماعان كەي دەپۋتاتتاردىڭ كوڭىلى بوساپ تا كەتتى. ارتىنشا جاڭا پرەزيدەنت قاسىم-جومارت توقايەۆ شىعىپ، پرەزيدەنتتىڭ مىندەتىن ادال اتقارۋعا انت بەردى. ەلباسى نۇرسۇلتان نازارباەقا العىس بىلدىرە وتىرىپ، ءوزىنىڭ العاشقى ۇسىنىستارىن دا ايتتى. ولار: استانا قالاسىنىڭ ءارى قازاقستانداعى ورتالىق، نەگىزگى كوشەلەردىڭ اتاۋىن نۇسرۇلتان نازاربايەۆ ەتىپ وزگەرتۋ؛ باس قالاعا نۇرسۇلتان نازاربايەۆتىڭ ەسكەرتكىشىن ورناتۋ؛ نازاربايەۆتىڭ پورترەتتەرىن ورنىندا قالدىرۋ. بۇعان قوسا نازاربايەۆقا حالىق قاھارمانى اتاعىن تابىس ەتتى.
♦توقايەۆ نازاربايەۆقا حالىق قاھارمانى اتاعىن بەردى
ءماجىلىس وتىرىسى اياقتالعان سوڭ دەپۋتاتتار تۇڭىش پرەزيدەنتكە تاعى ۇزاق قول سوقتى. سول ساتتەن ۆيدەونى وقىرمان نازارىنا ۇسىنباقپىز.
♦بەكبولات تىلەۋحان: مەن ءوزىمدى نۇرسۇلتان قالاسىنىڭ تۇرعىنى رەتىندە سەزىنىپ جۇرگەم
♦گۇلجان قاراعۇسوۆا نازاربايەۆتىڭ وتستاۆكاسى تۋرالى: بولاتىنى بولدى...
ايتا كەتەيىك، 19 ناۋرىزدا ساعات 19:00-دە قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ وكىلەتتىگىن توقتاتاتىنى تۋرالى ۇندەۋ جاريالاعان. ءوزىنىڭ وكىلەتتىگىن ەلباسى سەنات ءتوراعاسى بولعان قاسىم-جومارت توقايەۆقا تابىستادى.
ۇسىنعان: گۇلىم جاقان
پىكىر قالدىرۋ