داريعا نازاربايەۆانىڭ جاڭا قىزمەتىندەگى العاشقى تاپسىرماسىن بەردى دەپ جازادى Qamshy.kz اقپارات اگەنتتىگى سەناتتىڭ باسپا ءسوز قىزمەتىنىڭ دەرەگىن نەگىزگە الا وتىرىپ. بۇگىن سەنات سپيكەرىنىڭ توراعالىعىمەن جوعارى پالاتا بيۋروسىنىڭ وتىرىسى ءوتتى. بيۋرو مۇشەلەرى تومەنگى پالاتادان كەلىپ تۇسكەن زاڭ جوبالارىن ءبولىپ الدى. 

قارجى جانە بيۋدجەت جونىندەگى كوميتەت «قازاقستان رەسپۋبليكاسىنىڭ ۇلتتىق قورىنان 2019-2021 جىلدارعا ارنالعان كەپىلدەندىرىلگەن ترانسفەرت تۋرالى» زاڭعا وزگەرىس ەنگىزۋ تۋرالى» جانە «2019-2021 جىلدارعا ارنالعان رەسپۋبليكالىق بيۋدجەت تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى بويىنشا باس كوميتەت بولىپ بەلگىلەندى. حالىقارالىق قاتىناستار، قورعانىس جانە قاۋىپسىزدىك كوميتەتى «قازاقستان رەسپۋبليكاسىنىڭ ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىمدى راتيفيكاسيالاۋ تۋرالى» زاڭ جوباسىن ودان ءارى پىسىقتايتىن بولدى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتى جاۋاپتى بولىپ بەلگىلەندى.

بيۋرو وتىرىسىندا پارلامەنت سەناتىنىڭ 28 ناۋرىزدا بولاتىن وتىرىسىنىڭ كۇن تارتىبىنە قازاقستان رەسپۋبليكاسى پارلامەنتى سەناتى دەپۋتاتى ق.قوجامجاروۆتىڭ انت بەرۋى جانە ونى سەناتتىڭ تۇراقتى كوميتەتىنىڭ قۇرامىنا سايلاۋ تۋرالى؛ سەناتتىڭ حالىقارالىق قاتىناستار، قورعانىس جانە قاۋىپسىزدىك تۇراقتى كوميتەتىنىڭ ءتوراعاسىن سايلاۋ تۋرالى ماسەلەلەردى ەنگىزۋ ۇسىنىلدى.

پارلامەنت جوعارعى پالاتاسىنىڭ ءتوراعاسى داريعا نازاربايەۆا 4 ساۋىردە بولاتىن وتىرىستا قارالاتىن رەسپۋبليكالىق بيۋدجەتكە تۇزەتۋلەرگە ارىپتەستەرىنىڭ ەرەكشە نازارىن اۋداردى. سەنات باسشىسى پالاتانىڭ تۇراقتى كوميتەتتەرىنىڭ ءتوراعالارىنا كوميتەت وتىرىستارىندا وسى ماسەلەنى ۋاقىتىندا ءارى جان-جاقتى قاراۋدى تاپسىردى.

ۇسىنعان: اسەل بولات قىزى