پاۆلودار وبلىسى اكىمى باسپا ءسوز قىزمەتىنىڭ جەتەكشىسى پاۆلودار قالاسىنىڭ اتاۋىن وزگەرتۋ تۋرالى ماسەلە قاراستىرىلىپ جاتپاعانىن ايتتى. بۇل تۋرالى Qamshy.kz اقپارات اگەنتتىگى sputniknews.kz سايتىنا سىلتەمە جاساي وتىرىپ حابارلايدى.
"مەن باسپاسوزدەن بۇل ماتەريالدى وقىدىم، بۇل پارتيا ليدەرلەرىنىڭ ءبىرىنىڭ جەكە پىكىرى. قازىرگى تاڭدا بۇل ماسەلە كۇن تارتىبىندە تۇرعان جوق"، - دەدى ازامات بايتەنوۆ.
ەلوردا اتاۋىن وزگەرتۋدى قولداۋعا ارنالعان "قازاقستان-2050" دەموكراتيالىق كۇشتەردىڭ جالپىۇلتتىق كواليسياسىنىڭ وتىرىسىندا "اق جول" دەموكراتيالىق پارتياسى ءتوراعاسىنىڭ ورىنباسارى قازىبەك يسا ءۇش قالا: پەتروپاۆل، پاۆلودار جانە سەمەيدىڭ اتاۋىن وزگەرتۋ تۋرالى ماسەلە كوتەردى. پاۆلودارعا ول كەنەسارى حاننىڭ اتىن بەرۋدى ۇسىندى.
ايتا كەتەيىك، مۇنداي ۇسىنىس بۇعان دەيىن دە بىرنەشە رەت جاسالعان بولاتىن. ءار جىلدارى پاۆلوداردى كەرەكۋ، نۇرقالا، نۇركەنت دەپ اتاۋ تۋرالى باستاما كوتەرىلدى.
ەستەرىڭىزگە سالايىق، 23 ناۋرىزدا قازاقستاننىڭ ەلورداسى استانانىڭ اتاۋى نۇر-سۇلتان بولىپ وزگەردى. مۇنداي تاپسىرمانى قازاقستاننىڭ جاڭا پرەزيدەنتى قاسىم-جومارت توقايەۆ بەرگەنى ءمالىم
ۇسىنعان: فاريزا جومارت قىزى
پىكىر قالدىرۋ