الماتىدا قۇرمانعازى مەن بايسەيىتوۆا كوشەلەرىنىڭ اۋماعىنداعى كولىكتۇراقتاردىڭ بىرىندە وليمپيادا چەمپيونى دميتريي ءبالانديننىڭ كولىگىنە ۇرى ءتۇستى دەپ حابارلايدى Qamshy.kz  اقپارات اگەنتتىگى inAlmaty.kz  سايتىنا سىلتەمە جاساپ. 

ءدامحانادا دوستارىمەن بىرگە تۇسكى اسىن ءىشىپ شىققان سپورتشى كولىگىنىڭ ايناسىنىڭ قولدى بولعانىن كورىپ، بىردەن پوليسياعا حابار بەرگەن. ءتارتىپ ساقشىلارى جەدەل جەتىپ، ءتيىستى قۇجاتتار تولتىرعان. 

"Toyota Land Cruiser كولىگىن وليمپيادادان كەيىن سىيعا تارتىپ ەدى. ءبىر ايناسى 400 مىڭ تەڭگە شاماسىندا تۇرادى. ءبىز دەنيس تەندى ءولتىرىپ كەتكەن جەرگە جاقىن ماڭدا وتىردىق. ادامدار اينا ۇرلىعىن ءالى دە قويماپتى، قالاي ىزالانبايسىڭ. حالقىمىز تۇك تە وزگەرمەيدى ەكەن"، - دەدى دميتريي بالاندين.

ەسكە سالا كەتسەك، ءبىر جىل بۇرىن ءدال سول اۋداندا قازاقستاندىق مانەرلەپ سىرعاناۋشى، سوچي وليمپياداسىنىڭ قولا جۇلدەگەرى دەنيس تەن كولىك ۇرىلارىنىڭ قولىنان قازا تاپقان بولاتىن. وسى جىلى الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قىلمىسكەرلەرگە ۇكىم شىعاردى. نۇرالى قياسوۆ پەن ارمان قۇدايبەرگەنوۆ 18 جىلعا، ال جانار تولىبايەۆا 4 جىلعا سوتتالدى.   

ۇسىنعان: ماقپال سەمباي