يراكتىڭ وڭتۇستىگىندەگى نادجاف قالاسىندا الەمدەگى ەڭ ۇلكەن ءارى كونە مۇسىلمان زيراتى ورنالاسقان. ۆادي اس-سالام (الەم القابى) دەپ اتالاتىن ول زيراتتا 1400 جىلدان بەرى مۇسىلمانداردى جەرلەپ كەلەدى. جالپى اۋماعى 600 گەكتاردى قۇرايدى.

دەرەكتەرگە سايكەس، وندا پايعامبارلار، عالىمدار مەن پاتشالار جەرلەنگەن. ادام اتا مەن نۇح پايعامباردىڭ دا ءقابىرى نادجافتا دەسەدى.

سونىمەن قوسا، الەم القابىندا تەك پايعامبارلار مەن عالىمداردان وزگە، اۋعانستان، ءۇندىستان، يراك، كۋۆەيت، ليۆان، پاكىستان ەلدەرىنىڭ قاراپايىم مۇسىلماندارى دا جەرلەنگەن.

قازىرگى ۋاقىتتا زيراتتا الەمنىڭ ءتۇرلى اۋماعىنان 5 ميلليونعا جۋىق مۇسىلماننىڭ ءقابىرى بار ەكەن. قابىرلەر بىر-بىرىمەن تىعىز ورنالاسقان، ءار مۇسىلمانعا ءبىر شارشى مەتردەن كەلەدى. مۇنداي تىعىزدىققا قاراماستان، ءار ءقابىردىڭ اراسىندا ادام جۇرەتىن جولدار دا بار.

ءقابىر تاستارى كۇيدىرىلگەن كىرپىشتەن نەمەسە گيپستەن جاسالعان. وتباسىلىق قابىرلەر دە كەزدەسەدى. وتباسىلىق قابىرلەر اسىرەسە XX عاسىردىڭ 30-40 جىلدارىنا ءتان.

2010 جىلدىڭ ورتا تۇسىندا الەم القابى يۋنەسكو-نىڭ الەمدىك مۇرا ەسكەرتكىشتەرى تىزىمىنە ەنگىزىلدى. ال 2012 جىلى يسلامدىق ءبىلىم، عىلىم جانە مادەنيەت ۇيىمى نۇسقاسىنا سايكەس، نادجاف قالاسى يسلام مادەنيەتىنىڭ استاناسى اتالدى.

ۇسىنعان: گۇلىم جاقان