قازاقستاندىق قايرات احمەتوۆ پەن اۋستراليالىق ريس ماكلارەننىڭ توكيودا وتكەن جەكپە-جەگىنىڭ تولىق نۇسقاسى جاريالاندى دەپ جازادى Qamshy.kz اقپارات اگەنتتىگى. اتالمىش ۆيدەونى "MMA and BOXING Hot news" كانالى جاريالاعان. 

الەمدىك ONE Championship گران-پري اياسىندا وتكەن جەكپە-جەكتە وندا سپورتشىلار جەڭىل سالماقتا جۇدىرىقتاستى.

احمەتوۆ تورەشىلەردىڭ شەشىمىمەن 3-راۋندتا جەڭىسكە جەتتى. بۇل احمەتوۆتىڭ 22-جەڭىسى. وسىعان دەيىن 2 رەت جەڭىلىسكە ۇشىراعان. 

سونداي-اق قازاقستاندىق سپورتشىنىڭ جەكپە-جەك كەزىندە اۋىر جاراقات العانى بەلگىلى بولدى. بۇل تۋرالى قايرات احمەتوۆتىڭ مەنەدجەرى سايات ءابدىراحمانوۆ ءوزىنىڭ Instagram پاراقشاسىنا جازدى.

"الاڭداۋشىلىق بىلدىرگەن بارلىق جانكۇيەرلەردى شىن جۇرەكتەن قۇتتىقتايمىن! جەڭىس قۇتتى بولسىن! قايراتتىڭ نەندەي قيىندىقتارعا تاپ بولعانىن از عانا ادام بىلەدى. جەكپە-جەككە دەيىن دە، كەزدەسۋ كەزىندە دە قيىندىقتار ازايمادى. 1-راۋندتا قايرات قولىن سىندىرىپ الدى. ءبىراق اۋىر جاراقاتىنا قاراماستان قايرات گران-پريدىڭ جارتىلاي فينالىنا جولداما الدى. باۋىرىم مەن سەنى ماقتان تۇتامىن!"، - دەپ جازدى سايات ءابدىراحمانوۆ.