ماڭگىلىك كانديداتتار. پرەزيدەنت سايلاۋى دەسە مەلس ەلەۋسىزوۆ پەن عاني قاسىموۆ ەلدىڭ ەسىنە تۇسەرى انىق. بىرنەشە رەت ەل باسقارۋدان ۇمىتتەنگەن تۇلعالار  داۋىس جيناي الماي، جەڭىلىپ قالسا دا وسى سايلاۋ ناۋقانى ارقىلى تانىلدى.  بيىل ولار تاعى دا ب ا ق سىناپ كورە مە، جوق پا؟ سونىمەن،  وسىعان دەيىن بولعان پرەزيدەنتتىك سايلاۋلارلدا ەرەكشە قىرلارىمەن ەل ەسىندە قالعان وزگە دە كانديداتتار  جايلى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ دەرەگىن نەگىزگە الا وتىرىپ حابارلايدى.

پرەزيدەنت سايلاۋى ەلىمىزدەگى ماڭىزدى ساياسي ناۋقان.  نەشە ءتۇرلى شوۋ دا، داۋ دا وسى كەزدە قىزا تۇسەتىن.  1991 جىلدان بەرى ەلىمىزدە 5 رەت پرەزيدەنت سايلاۋى ءوتتى.  ودان سوڭ  ەل ەسىندە قالعان ناۋقان 1999 جىلدىڭ قاڭتارىندا ۇيىمداستىرىلدى. پرەزيدەنتتىكتەن ۇمىتتەنىپ ءبىرقاتار ساياسي فيگۋرالار شىقتى. 

سايلاۋدان كەيىن حاريزماسىمەن عاني قاسىموۆتىڭ تانىمالدىعى ارتا ءتۇستى. ول 1999 جىلى ءۇشىنشى ورىن السا، 2011 جىلعى سايلاۋدا  ەكىنشى ورىنعا شىققان.  ەندى ءۇشىنشى رەت قاتىسسام تاعى ءبىر ورىنعا كوتەرىلىپ كەتەرمىن دەپ ءازىل-شىنىن ارالىستىرادى...     

عاني قاسىموۆ  مەملەكەت جانە قوعام قايراتكەرى:  ەر كەزەگى ۇشكە دەيىن دەيدى عوي، ءبىراق جاستار قاتىسقانى دۇرىس دەپ ەسەپتەيمىن. جاڭا بۋىننىڭ وكىلدەرى شىعۋ كەرەك.  

سايلاۋ دەسە جاسىل جەلەگىمەن جالاۋلاتىپ شىعاتىن مەلس ەلەۋسىزوۆتى دە  جۇرت ۇمىتكەرلەر اراسىنان ىزدەيدى. الايدا، تابيعات جاناشىرى  بيىلعى ساياسي ناۋقانعا دايىن ەمەس سياقتى. ساياسي پروسەسس بۇلاي تەز ءوربيدى دەپ كۇتپەسە كەرەك. 

مەلس ەلەۋسىزوۆ، ەكولوگ: مەن ءقازىر زاڭدى زەرتتەۋىم كەرەك. قاراعاندا جوقپىن، تەز بولادى دەپ كىم ويلاعان. ءبىراق قاتىسقان دۇرىس قوي. پرەزيدەنت بولام دەپ....مەن  كوپ سايلاۋعا قاتىستىم. سوندا حالىقپەن كەزدەسۋگە كوپ مۇمكىنشىلىك بار. ءقازىر اۋا-رايى وزگەرىپ بارا جاتىر.  ونى ەشكىم ويلاپ جاتقان جوق. 

ال 2005، 2011 جىلعى سايلاۋ كەزىندە ەراسىل ءابىلقاسىموۆ، جامبىل احمەتبەكوۆ دەگەن تۇلعالاردى حالىق تاني باستادى. كاراتيست كانديدات پرەزيدەنت بولا الماسا دا، سايلاۋدان كەيىن ماجىلىسكە دەپۋتات بولىپ كەتتى.

مىرزاتاي جولداسبەكوۆ: 
"ءبىز سوۆحوزدىڭ ديرەكتورىن، مەكتەپ باسشىسىن تاڭداپ جاتقان جوقپىز." 
 
پرەزيدەنتتىكتەن ۇمىتكەرلەرگە قويىلاتىن تالاپتاردىڭ ءبىرى - مەملەكەتتىك ءتىلدى مەڭگەرۋى.  وسى سىننان تالايى ءسۇرىندى. سەناتور ءۋاليحان قايساروۆتا ەكى رەت كانديداتۋراسىن ۇسىنىپ،ەمتيحان تاپسىرا الماي قازاق تىلىنەن قاتە جىبەردى. انا تىلگە شورقاق بولعان ۇمىتكەرلەردىڭ ءبىرى - مۇسىلماندار وداعىنىڭ باسشىسى مۇرات تەلەبەكوۆ.  ەسەسىنە، تەلەبەكوۆ سايلاۋ كوميسسياسىندا شوۋ ۇيىمداستىرىپ، ەل ەسىندە قالدى. سوڭعى رەت پرەزيدەنت سايلاۋى 2015 جىلدىڭ كوكتەمىندە وتكىزىلدى. كەزەكتەن تىس. نۇرسۇلتان نازاربايەۆپەن بىرگە ەل باسقارۋدان ۇمىتتەنگەن ءابىلعازى   قۇسايىنوۆتىڭ  ءقازىر قايدا جۇرگەنى بەلگىسىز.  ال تۇرعىن سىزدىقوۆ ماجىلىستەگى ەڭ  جاسامىس دەپۋتاتتاردىڭ ءبىرى. ال بيىلعى سايلاۋعا كىمدەر تۇسەدى، ازىرگە بەلگىسىز.

ۇسىنعان: فاريزا جومارت قىزى