ۋكراين قارۋلى كۇشتەرى باس شتابىنىڭ بۇرىنعى ورىنباسارى، گەنەرال يگور رومانەنكو "گلاۆرەد" باسىلىمىنا بەرگەن سۇحباتىندا ەل قاۋىپسىزدىگىن قامتاماسىز ەتۋ ءۇشىن مىقتى، ۇزاق قاشىقتىققا جەتەتىن راكەتالىق وقتۇمسىقتار جاساۋ كەرەك دەپ وتىر.

–مۇنىڭ پايداسى زور بولار ەدى. ەڭ الدىمەن رەسەيدەن قورعانۋىمىز ءۇشىن قاجەت. ازىرگە بىزدە بار-جوعى 120 شاقىرىمعا عانا جەتەتىن ەسكى «توچكا-ۋ» راكەتالىق وقتۇمسىعى عانا بار. قورعانۋ ءۇشىن بۇل وتە جەتكىلىكسىز. سوندىقتان بىزگە  رەسەيدىڭ ۋرالىنا دەيىن جەتەتىن راكەتا جاساۋىمىز كەرەك.

ايتا كەتۋ كەرەك، 1990 جىلداردىڭ باسىندا بۋداپەشت مەموراندۋمىنا وراي ۋكراينا يادرولىق ارسەنالىنان جانە ءبىرقاتار ۇزاق قاشىقتىققا جەتەتىن راكەتالىق وقتۇمسىقتارىنان ايرىلعانى بەلگىلى.

الايدا قازىرگى ۋاقىتتا گەنەرالدىڭ ويىنشا، «قاۋىپسىزدىكتى قامتاماسىز ەتۋ ءۇشىن جانە ورىستاردىن قورعانۋ ءۇشىن «ۋكرايناعا ۇزاق قاشىقتىققا جەتەتىن راكەتالىق وقتۇمسىق قاجەت. ەڭ قۇرىعاندا، ۋكرايناعا  ۋرالىنا دەيىن جەتەتىن راكەتالىق قوندىرعى جاساۋ كەرەك. سونداعا عانا  جاۋعا تويتارىس بەرۋگە بولادى».

–ۋكرايناعا جانتالاسا قارۋلانۋعا كىرىسپەسە، بولمايدى. ال ءبىز اسكەري قۋاتىمىزدى ارتتىرۋدى ءالى دە تەجەپ كەلەمىز، –دەدى  ۋكراينا قارۋلى كۇشتەرى باس شتابىنىڭ بۇرىنعى ورىنباسارى يگور رومانەنكو.

بۇل ۋكراينانىڭ رەسمي ورگانى وكىلدەرى مەن ارميا گەنەرالدارى تاراپىنان ايتىلىپ وتىرعان ءبىرىنشى پىكىر ەمەس. بۇعان دەيىن اسكەري ساراپشى ۆالەنتين بادراك تا ماسكەۋگە دەيىن جەتەتىن، ءبىر شاقىرىمنان اساتىن راكەتالىق وقتۇمسىق جاساپ شىعارۋ تۋرالى باستاما كوتەرگەن. قارۋلانۋ مەن ارميانى زەرتتەۋ تۋرالى ورتالىق باسشىسىنىڭ ورىنباسارى «قازىرگى كەزدە وسىنداي قۋاتتى قارۋدىڭ بولماۋى سالدارىنان ۋكراينا ازوۆ جانە قارا تەڭىزدە ءوز قاۋىپسىزدىگىن قامتاماسىز ەتە الماي وتىر» دەپ مالىمدەدى. دەگەنمەن،  وسىدان بىرەر اپتا بۇرىن ەل پرەزيدەنتى پەتر پوروشەنكو راديۋسى مىڭ شاقىرىمعا جەتەتىن راكەتالىق وقتۇمسىقتارمەن بار ەكەنىن اتاپ وتكەن بولاتىن. الايدا كوپتەگەن ساراپشىار «مۇنداي قارۋدىڭ بولۋى ۋكراينانىڭ قاۋىپسىزدىگىنە نۇقسان كەلتىرەدى» دەگەن پىكىردە. سوعان قاراعاندا، جانتالاسا قارۋلانۋعا قاتىستى پىكىردىڭ ءوزى الا-قۇلا بولىپ تۇرعان سياقتى.