ەلىمىزگە بەلگىلى مۋزىكاتانۋشى، ەڭبەك سىڭىرگەن قايراتكەر جارقىن شاكارىم دۇنيەدەن وزدى دەپ جازادى Qamshy.kz اقپارات اگەنتتىگى.
بۇل جايىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ءوزىنىڭ Facebook پاراقشاسىندا جاريالادى.
"قازاق ونەرى اۋىر قازاعا دۋشار بولدى. 71 جاسقا قاراعان شاعىندا بەلگىلى مۋزىكاتانۋشى، ونەر زەرتتەۋشىسى، عالىم اعامىز جارقىن شاكارىم دۇنيەدەن ءوتتى، قايعىلى حاباردى ەستىپ قابىرعامىز قايىسىپ وتىر...
قازاق حالقىنىڭ رۋحاني كەمەلدەنۋىنە ۇلەس قوسىپ، مۋزىكا ونەرىنىڭ حالىقتىق مۇددەگە ساي وركەن جايۋىنا ەڭبەك ەتكەن، بەلگىلى كۇيشى، مۋزىكاتانۋشى، امىرەتانۋشى، قوعام قايراتكەرى جارقىن اعامىزدان ايىرىلىپ قالدىق.
وسىعان بايلانىستى مارقۇمنىڭ وتباسىنا، تۋعان-تۋىستارىنا قايعىرىپ كوڭىل ايتامىن. ءومىر بويى تۋعان حالقىنا، ونىڭ رۋحاني سالاسىنا قالتقىسىز قىزمەت ەتكەن جومارت جۇرەكتى جاقسى ادامنىڭ بۇل قازاسى قابىرعامىزدى قايىستىرىپ كەتتى.
ءبىزدىڭ ءبىر كوڭىلگە مەدەت ەتەتىنىمىز، جارقىن اعانىڭ ارتىندا ولمەيتۇعىن مۇراسى قالدى.
ارداقتى اعامىز شىنىندا دا ءبارىمىز جاقسى كورگەن ابزال ازامات ەدى. ول ءوزىنىڭ بارىنشا ادال دا تازا قالپىمەن، اقجارقىن دا جايدارى مىنەزىمەن جانىمىزعا جاقىن بولدى. نۇرى پەيىشتە شالقىسىن.
قازاق رۋحانياتىنا جاساعان ادال قىزمەتى ەشقاشان ۇمىتىلمايدى..." - دەپ جازادى مينيستر.
ۇسىنعان: نازەركە لابيحان
پىكىر قالدىرۋ