––شىعىس قازاقستان وبلىسى سەمەي قالاسىنىڭ "داريعا-اي" جاستار تەاترى 2019 جىلدىڭ 17-19 ءساۋىر كۇندەرى ارالىعىندا الماتى قالاسىندا گوسترولدىك ساپارىن وتكىزەدى. بۇل تۋرالى اتالمىش تەاتر ۇجىمىنىڭ باسپا ءسوز كونفەرەنسياسىندا تولىق ايتىلدى. باسپا ءسوز كونفەرەنسياسىندا تەاتر باسشىسى امانگەلدى باحتينوۆ،  اعا وقىتۋشى مەيرامگۇل الەپاروۆا، جاس اكتەر، رەجيسسەر جۇلدىزبەك جۇمانباي ساپار بارىسىن، تەاتردىڭ حال-احۋالىن تولىق بايانداپ ءوتتى، دەپ حابالايدى Qamshy.kz اقپارات اگەنتتىگى.

–"داريعا-اي" جاستار تەاترى پروفەسسور داريعا تۇرانقۇل قىزى جانە بەلگىلى قوعام قايراتكەرى، ابايتانۋشى، قر-نىڭ ەڭبەك سىڭىرگەن قىزمەتكەرى ت.يبراگيموۆتاردىڭ باستاماسىمەن 1999 جىلى قاراشا ايىنىڭ 14-جۇلدىزىندا اشىلعان. سونىمەن قاتار، تەاتردىڭ ىرگەتاسىن قالاۋعا پروفەسسور مايرا وماربايەۆا، اعا وقىتۋشى مەيرامگۇل الەپاروۆا جانە تەاتردىڭ رەجيسسەرى ءھام كوركەمدىك جەتەكشىسى بولعان ءاقبارالى ايتيبايەۆ سىندى ازاماتتاردى ەرەكشە اتاپ وتۋگە بولادى. تەاتر قورجىنىندا قازاق قالامگەرلەرىمەن قوسا شەت ەل دراماتۋرگتەرىنىڭ سۇبەلى شىعارمالارى بار. تەاتر كوپتەگەن رەسپۋبليكالىق، حالىقارالىق فەستيۆالداردىڭ ديپلومانتى، جۇلدەگەرى. بۇل ساپارىمىزدا الماتىلىقتار ءبىزدىڭ تەاتردىڭ ءۇش قويىلىمىن تاماشالايتىن بولادى، - دەپ اتاپ ءوتتى تەاتر باسشىسى امانگەلدى تالعاتبەك ۇلى.

ساپار بارىسىندا تەاتر رەپەرتۋارىنداعى ۋ.شەكسپيردىڭ «ريچارد |||»، شاكارىم قۇدايبەردىنىڭ «مۇتىلعاننىڭ ءومىرى» پوەماسىنىڭ جەلىسى بويىنشا «شاكارىم. جولسىز جازا»، گ.حۋگايەۆتىڭ «ءيتتىڭ بالاسى نەمەسە ادامنىڭ الاسى» قويىلىمدارىن ۇسىنادى. ءىس-ساپاردىڭ نەگىزگى ماقساتى - جاسامپاز دا، جالىندى جاس تەاتردىڭ ونەرىن ەلىمىزدىڭ مادەني استاناسى الماتى جۇرتشىلىعىنىڭ نازارىنا ۇسىنۋ. بۇگىن الماتى قالاسىندا عابيت مۇسىرەپوۆ اتىنداعى قازاق مەملەكەتتىك اكادەميالىق بالالارمەن جاسوسپىرمدەر العاشقى قويىلىمىن قويدى. ول - ۋ.شەكسپيردىڭ "ريچارد |||" قويىلىمى.

ناۋرىزبەك سارشا