پەرۋدىڭ ەكس-پرەزيدەنتى الان گارسيا ءوزىن تۇتقىنداۋعا كەلگەن ساتتە وزىنە ءوزى قول جۇمساپ،  اۋرۋحانادا كوز جۇمدى. ول اۋرۋحانادا پوليسيا ۇستاماس بۇرىن ءوزىن-وزى ولتىرۋگە ارەكەتتەنگەننەن كەيىن قايتىس بولعان. پەرۋدىڭ دەنساۋلىق ساقتاۋ مينيسترلىگى گارسيانىڭ ءوزىن تاپانشامەن اتقانىن مالىمدەدى. ول اۋىر جاراقات الىپ، اۋرۋحاناعا جەتكىزىلگەننەن كەيىن وپەراسيا جاسالعان. دارىگەرلەردىڭ ارپالىسۋىنا قاراماستان، گارسيا مەرت بولعان. ونىڭ ادۆوكاتى ەرازمو رەينانىڭ ايتۋىنشا، بۇرىنعى مەملەكەت باسشىسىن ليمانىڭ استاناسىندا تۇتقىندار ۋاقىتىندا وزىنە قول جۇمساعان. ونىڭ الدىندا  برازيليانىڭ ودەبرەحت قۇرىلىس كومپانياسىنان پارا العان دەپ ايىپتالعان ەكس-پرەزيدەنتتى سوت قاماۋعا الۋ تۋرالى شەشىم شىعارعان. ءبىراق گارسيا وزىنە قارسى ايىپتاردى جوققا شىعارعان ەدى.

ەسكە سالا كەتەيىك، الان گارسيا مەملەكەتتى 1985-1990 جانە 2006-2011 جىلدارى باسقارعان بولاتىن.