جالپى قىلمىس الەمىندە نازىك جاندىلاردان قاراعاندا ەر ادامداردىڭ سانى باسىم ەكەنى راس. ايتسە دە، الەمدە جانتۇرشىگەرلىك قىلمىستارىمەن، قاتىگەزدىك ىس-ارەكەتتەرىمەن تانىلعان قىز-كەلىنشەكتەر از ەمەس. ولاردىڭ ىشىندە قىلمىستىق توپتاردى باسقارعان، ەسىرتكى ساۋداسىمەن اينالىسقان ايەلدەر دە بار. سونىمەن تومەندە قىلمىس الەمىندە جاۋىزدىعىمەن نازار اۋدارتقان نازىك جاندىلاردىڭ ءبىر شوعىرى.
ەليزابەت ۆەتتلاۋفەر (كانادا)
2017 جىلى كانادالىق مەدبيكە ەليزابەت ۆەتتلاۋفەرگە ءومىر بويى باس بوستاندىعىنان ايىرۋ تۋرالى شەشىم شىعارىلدى. بۇل شەشىم ونىڭ سەريالىق كىسى ءولتىرۋشى بولعاندىعى ءۇشىن شىعارىلعان بولاتىن. ونىڭ قولىنان سەگىز ادام قازا تاپقان. 2007 جىلدان 2016 جىلعا دەيىن ۆەتتلاۋفەر قارتتارعا ارنالعان ءۇش ەمحانانىڭ مەدبيكەسى بولادى. ءبىراق، ونىڭ ەسىرتكىگە تاۋەلدىلىگى بار ەكەندىگىنەن ەشكىم بەيحابار ەدى. العاشىندا ول ءينسۋليننىڭ كوپ مولشەرىمەن ءوزىنىڭ ەكى ەمدەلۋشىسىن ولتىرمەك بولىپ، ونىسى ءساتسىز شىعادى. كەيىنگى قۇرباندىعىنا سول ادىسپەن ول دەگەنىنە جەتەدى. قايتىس بولعان 84 جاستاعى ەر ادام بولاتىن. كەيىنگى ارەكەتتەرىنىڭ كەيبىرى ءساتتى شىعىپ جاتسا، كەيبىرى ءساتسىز بولىپ، بىرنەشە ادامدى اجال قۇشتىردى. اقىرى، ول قىلمىسى جايىندا ءوزى مويىندايدى. ءبىراق، سوت ىسىندە ول ءوزىنىڭ بۇل قىلمىستارعا نە ءۇشىن بارعاندىعى جايلى ءلام-ميم دەمەيدى. كەيبىر ادامدار ونىڭ قىلمىسىنا «قارت ادامداردىڭ اۋرۋىن جەڭىلدەتۋ ماقساتىندا جاساعان بولۋى مۇمكىن» دەگەن وي ايتسا، كەيبىرى ەسىرتكىنىڭ كەسىرىنەن دەگەن بولجام ايتادى. نەدە بولسا، ول ەندى كانادانىڭ ەشقانداي قارت ادامدارىنا زيانىن تيگىزە المايدى.
دجواننا دەننەحي (ۇلىبريتانيا)
2013 جىلدىڭ ءساۋىر ايىندا بريتاندىق ايەل دجواننوي دەننەحيگە سوت ۇكىمى شىقتى. بۇل شەشىم دە – ءومىر بويى باس بوستاندىعىنان ايىرۋ بولاتىن. ال، ونىڭ قولىنان ءۇش ادام اجال قۇشقان. ونىڭ ءبىرىنشىسى – سۋىققاندىلىقپەن پىشاق ارقىلى ولتىرىلگەن جۇبايى بولسا، ەكىنشىسى، ياعني جۇمىس بەرۋشىنى ول تاماعىنان باۋىزداپ ولتىرگەن. ءۇشىنشى قۇربانى – ونىڭ پىشاعىنان ولگەن كورشىسى بولدى. كىسى ءولتىرۋشى ايەل سوتتا ءوزىن «كريمينالنىي چتيۆا» كينوسىنداعى ءارتىس ۋما تۋرماننىڭ وزىنە شابىت بەرگەندىگىن ايتقان.
ينەسسا تارۆەردييەۆا (رەسەي)
بۇرىنعى ايەلدەر قىلمىس توبىنىڭ باسشىسى بولعان رەسەيلىك ايەل «امازونكا بانداسى» اتانىپ كەتكەن ەكەن. ول 2017 جىلى 21 جىلعا تۇرمەگە قامالدى. ءوزىنىڭ قىلمىستىق جولىن 2003 جىلى باستاعان ەكەن. ول ءوزى توپ قۇرىپ، ۇلكەن جولعا شىعىپ، ەش قورىقپاستان كولىكتەرگە وق اتىپ، بارلىق باعالى زاتتاردى العان سوڭ مايىتتەردەن قۇتىلىپ وتىرعان. ونىڭ قولىنان كىشكەنتاي سابيلەر دە قازا بولعان. ينەسسا كەيىننەن ميليسيا قىزمەتكەرلەرىنە ىزاقورلىقپەن ءوزىنىڭ كوپ ادام ولتىرە الماعاندىعىنا وكىنگەندىگىن جەتكىزگەن.
مەليسسا كالدەرون وحەدا (مەسيكا)
لا چينا اتىمەن تانىلعان قىلمىستىق توپ باسشىسى مەليكسا ەسىمدى ايەلدى سوتقا ءوزىنىڭ جىگىتى ۇستاپ بەرگەن. لا چينا 2005 جىلى مەكسيكانىڭ قىلمىس الەمىنە بەت بۇرادى. ول ەسىرتكى ساۋدالاۋشىلارمەن سەرىكتەستىك ورناتىپ، 2008 جىلى بۇزاقىلىق توپتى باسقارادى. ول جەتى جىلدىق ەسىرتكى ساۋداسىن جانداندىرعان ۋاقىتتا داماسو اۋماعىندا قلمىس ءۇش ەسەگە كوبەيدى. مەليسسا كىسىنى اياۋ دەگەندى بىلمەيتىن. ونىڭ كىسى ولتىرۋدە قولتاڭباسى دا بار ەدى. ونىڭ جىگىتى پەدرو گومەس ەسىمدى تۇرمەدەن شىققان اتاقتى باندى بولدى. ول ەكەۋى بىرلەسىپ كوپتەگەن قىلمىستار جاسايدى. الايدا، لا چينا قىلمىس جاساۋدا قاتىگەزدىگىمەن تىم شەكتەن شىعىپ كەتكەن بولاتىن. اقىرى، 2015 جىلى جىگىتى گومەستىڭ ءوزى لا چينانى پولسياعا ۇستاپ بەرەدى. سوتتا ونىڭ قولىنان 150 كىسى ءولىمى جانە ەسىرتكى ساۋداسى ايىبى تاعىلدى. مەكسيكادا ءار ءتۇرلى قىلمىستارعا سان تۇرىندە جازا تاعايىندالاتىندىقتان، لا چيناعا 893 جىل بوس بوستاندىعىنان ايىرۋ تۋرالى شەشىم قابىلدايدى. ياعني، ءوزىنىڭ جاۋىزدىعىمەن مەكسيكانى تىتىرەتكەن قانىشەر ايەل ءومىر باقي قاماۋدا بولادى دەگەن ءسوز.
P.S. مۇنداي ءتىزىمدى تىزە بەرۋگە بولادى. دەگەنمەن، يبالىلىعىمەن، مەيىرىمدىلىگىمەن، اناعا ءتان ماحابباتىمەن تانىلعان ايەل عانا – ايەل دەگەن اتقا لايىق بولارى ءسوزسىز. نازىك جاندىلار، ءارقاشان نازىك بولمىسىن ساقتاسا ەكەن دەيمىز.
دايىنداعان: ناۋرىزبەك سارشا
