بيىل الماتىدا 700-دەن استام ادام قاڭعىباس يتتەردەن زارداپ شەككەن. جىل باسىنان بەرى مەگاپوليستە 5 مىڭعا جۋىق يت اۋلانسا، سونىڭ تەك 600-گە جۋىعىنىڭ عانا يەلەرى تابىلعان دەپ حابارلايدى Qamshy.kz اقپارات اگەنتتىگى "الماتى" تەلەارناسىنا سىلتەمە جاساپ.

وتكەن جىلى الماتىدا 16 مىڭنان اسا قاڭعىباس يت اۋلانسا، بيىل نەبارى 4 ايدىڭ ىشىندە ولاردىڭ سانى 5000-عا جۋىقتاپ قالعان.

الماتى قالالىق ۆەتەرينارلىق قىزمەتى قاراۋسىز جانۋارلاردى اۋلاۋ ءبولىمىنىڭ باسشىسى ايگەرىم جاقسىلىقتىڭ ايتۋىنشا،  كۇنىنە 70-كە جۋىق يت ۇستالادى ەكەن. بۇل كورسەتكىش ماۋسىمعا بايلانىستى وزگەرىپ تۇراتىن كورىنەدى. "قىس پەن كوكتەمدە يتتەردىڭ سانى كوبەيسە، جاز ايلارىندا ءبىرشاما ازاياتىن يتتەردى، تەك ادامدارعا شابۋىل جاساماسىن دەپ قانا ەمەس، انتروپوزوونوز اۋرۋىنان ساقتانۋ ءۇشىن ۇستايمىز"، – دەيدى ايگەرىم جاقسىلىق.