اقتوبە وبلىسى، بەستاماق اۋىلىنداعى مەكتەپ الدى دايارلىق سىنىبىندا وقيتىن 6 جاسار بالانىڭ ۇستىنە شكاف قۇلاپ كەتكەن. ساباق ۋاقىتىنداعى كەلەڭسىزدىك ءۇشىن ەشكىمنەن جاۋاپ الىنبايدى دەپ حابارلايدى Qamshy.kz اقپارات اگەنتتىگى دياپازون پورتالىنا سىلتەمە جاساپ.

ۇستىنە شكاف قۇلاعان بالانىڭ ەرىنى جىرتىلىپ، دەنەسىنىڭ ءبىرشاما جەرى كوگەرگەن.

العا اۋداندىق ءبىلىم ءبولىمىنىڭ باسشىسى جانار ۋتەپبەرگەنوۆا بالانىڭ ءوزى شكافقا تىعىلعانىن، سوسىن باسىن سوعىپ الىپ، سول كەزدە ەرىنىن تىستەپ قالعانىن العا تارتادى. ال ءمۇعالىم بۇل جاعدايدى نازارىنان تىس قالدىرعان. مەكتەپتە بالاعا جەدەل مەديسينالىق كومەك كورسەتەتىن مامان دا بولماپتى.

جاراقات العان بالانىڭ اتا-اناسى مۇنى جاۋاپسىزدىق دەپ قابىلداپ، الەۋمەتتىك جەلىگە دەنەنىڭ كوگەرگەن جەرلەرىن فتوتعا ءتۇسىرىپ جۇكتەگەن. ەندى ءىستىڭ انىق-قانىعىن ناقتىلاۋعا پوليسيا كىرىستى.

"اتالمىش وقيعا بويىنشا ق ر قك 156-بابىنا (ەڭبەكتى قورعاۋ قاعيدالارىن بۇزۋ) سايكەس ءىس قوزعالدى. دەگەنمەن، تەكسەرۋ امالدارى بارىسىندا ەشقانداي قىلمىستىق ارەكەت ورىن الماعانى ناقتىلانىپ، ءىس توقتاتىلدى. اتا-انالار تاراپىنان قارسىلىق جوق"، - دەدى پوليسيا دەپارتامەنتىنىڭ باسپا ءسوز قىزمەتىنىڭ جەتەكشىسى ەربولات سارقۇلوۆ.

ۇسىنعان: ادىلەت مادەنيەت