جەتىساي اۋدانىنداعى جانتۇرشىگەرلىك وقيعاعا قاتىستى ءبىلىم جانە عىلىم مينيسترلىگى پىكىر ءبىلدىردى دەپ جازادى Qamshy.kz اقپارات اگەنتتىگى. مينيسترلىك وكىلدەرى تۇركىستان وبلىسى جەتىساي اۋدانىنداعى جانتۇرشىگەرلىك وقيعادان كەيىن بىرنەشە ادامعا قاتىستى قاتاڭ تارتىپتىك جازا قولدانىلعانىن حابارلادى. 

"بالالارعا قاتىستى زورلىق-زومبىلىقتى ۋاقىتىلى انىقتاۋ بويىنشا جەتكىلىكسىز جۇمىس جاساعانى ءۇشىن اۋدان اكىمىنىڭ ورىنباسارى، اۋداندىق ءبىلىم ءبولىمىنىڭ جەتەكشىسى، مەكتەپ ديرەكتورى، مەكتەپ ديرەكتورىنىڭ تاربيە ءىسى جونىندەگى ورىنباسارى، مەكتەپ پسيحولوگتارى، الەۋمەتتىك پەداگوگ جانە 3 سىنىپ جەتەكشىسىنە قاتىستى قاتاڭ تارتىپتىك جازا قولدانىلدى"، - دەلىنگەن حابارلامادا.

ەسكە سالا كەتسەك، 17 ساۋىردە الەۋمەتتىك جەلىدە تۇركىستان وبلىسى، جەتىساي قالاسىنداعى 28 جاستاعى ايەل ادامنىڭ كامەلەت جاسقا تولماعان ءۇش قىزعا زورلىق-زومبىلىق كورسەتكەنى تۋرالى اقپارات، بەينەفوتو ماتەريالدار تاراپ، قىزۋ تالقىعى تۇسكەن بولاتىن.  اتالعان وقيعا بويىنشا قۇقىق قورعاۋ ورگاندارىنىڭ قىزمەتكەرلەرى قىلمىستىق ءىس قوزعاپ، تەرگەۋ امالدارىن جۇرگىزۋدە.