ادامنىڭ احۋالى قالىپتاسقان داعدى بويىنشا ۇستىندەگى كيىمى، استىنداعى كولىگى، قولىنداعى سمارتفونى جانە ءۇي-جايى سەكىلدى دۇنيەلەرگە قاراپ باعالانادى.
ماسەلەن، ءۇي ىشىندەگى جاعداي، جيناقىلىق، جيھازداردىڭ نەەسە ءتۇرلى تۇرمىستىق زاتتاردىڭ ورنالاسۋ ءتارتىبى ونىڭ قوجايىنى حاقىندا ءبىرشاما نارسەنى ايتىپ بەرەدى. مىسالى، توڭازتقىشتاعى ماگنيتتەر قوجايىننىڭ ساياحاتتى سۇيەتىنىن، ۇستەل ۇستىندە پاراقتاردىڭ بۇرقىراپ جاتۋى شىعارماشىلىق ادامى ەكەنىن، جۇمساق ويىنشىقتار ونىڭ نازىك جاندى ەكەنىن، اپپاق توسەنىش پەن مامىق جيھازدار اۋقاتتى ەكەنىن بايقاتادى.
ءبىز ءۇي ءىشىنىڭ، قوجايىننىڭ كەدەيلىك سيپاتىن كورسەتەتىن 5 قاعيدانى اتايىق. ءارى قاراي وقىڭىز.
- اتاقتى كارتينالاردىڭ كوشىرمەسى
قانشا اتاقتى بولعانىمەن، كەز-كەلگەن دۇنيەنىڭ كوشىرمەسى كوشىرمە دارەجەسىندە قالماق. ال ءسىزدىڭ توسەگىڭىزدىڭ نەمەسە جۇمىس ۇستەلىڭىزدىڭ جوعارى جاعىندا جيەگىندە «قاراعايلى كولدەگى تاڭ شاپاعى» كارتيناسى التىن جالاتقان جاقتاۋدىڭ ىشىندە تۇرسا، ءسىزدىڭ بايلىققا ۇمتىلاتىنىڭىز كورىنىس بەرەدى.
بايلاردىڭ ادەتىنشە، كوشىرمە دۇنيەلەردى پايدالانباۋعا تىرىسقانىڭىز ءجون. بۇل ءۇردىس ءسىزدى اۆتوماتتى تۇردە ەكىنشى ساناتقا ىسىرىپ تاستايدى.
- ەسكى ءارى جايسىز توسەك
كەز-كەلگەن ىسكەر ادامنىڭ ويىنا ۇزدىك جوبالار، باتىل شەشىمدەر سۇيىكتى توسەگىندە جاتقاندا كەلەدى. جايلى ءارى ادەمى كەرەۋەت – ءسىز ءۇشىن ماڭىزدى دۇنيە.
ەگەر كەرەۋەتىڭىز اكەدەن مۇرا بولىپ قالعان نەمەسە قانداي دا ءبىر سەبەپتەرمەن ءسىز ءۇشىن ماڭىزى بار ەسكى توسەك بولسا، ول دا ماسەلە ەمەس. ادەمى ءارى قىمبات كورىنەتىن جابۋ جاساتىپ، جۇمساق توسەنىشتەر توسەسەڭىز جەتكىلىكتى.
ەسكى توسەك-ورىننىڭ ۇيگە ءسان بەرمەيتىنى ءبىر سەبەپ بولسا، ەكىنشى سەبەپ – مۇنداي كەرەۋەتتە جاتۋ دەنساۋلىققا ايتارلىقتاي زيان اكەلەدى.
- سىنىق نەمەسە ەسكىرگەن ىدىس-اياق
كەدەيلىككە بەيىم بولاتىن ادامنىڭ ءبىر قاسيەتى – قيماستىق، ساراڭدىق. ەگەر ءسىز اس ىشەتىن تاباقشانىڭ جيەگىنە التىن جالاتىلعان بولىپ، ءبىراق ونىڭ شەتى كەرتىلگەن نەمەسە كىشكەنە سىنىعى كورىنىپ تۇرسا، قوقىسقا تاستاعانىڭىز ءجون. سونداي-اق، ءىشى قارايعا كەسە، توت باسقان قاسىق دەگەندەي دۇنيەلەردى ساقتاۋدىڭ ءمانى جوق.
- لاس نەمەسە قولدانىلمايتىن زاتتارعا تولى بالكون
بالكون – ادامداردىڭ كوپشىلىگىندە وي جيناقتاپ، ميىنا دەمالىس سىيلايتىن ورىن. ونىڭ ءىشى قاپشىققا تۇيىلگەن ەسكى-قۇسقى زاتتارعا، كيىلمەيتىن اياق كيىمدەر مەن قولدانىلمايتىن مۇلىكتەرگە تولى بولسا، ءسىز ودان ءلاززات الا المايسىز.
باي ادامدار داعدىسىندا بالكوندا كوفە ىشەتىن ۇستەل نەمەسە كىشىگىرىم جارىقسۇيگىش گۇلدەر ورنالاسادى.
- Lux كلاسىنداعى تەحنيكالار
ءبىزدىڭ قوعامدا ەسكى ۇلگىدەگى قابىرعاعا سوڭعى مودەلدەگى تەلەديدار ءىلۋ، قولعا سمارتفوننىڭ قىمباتىن ۇستاۋ ءۇردىسى قالىپتاسقان. قازاقتا «تەڭ تەڭىمەن، تەزەك قابىمەن» دەگەن ءسوز بار. جان-جاعىڭىز تەحنيكاڭىزعا ساي بولماسا، ول ەشقانداي كەرەمەتتىڭ كورىنىسى ەمەس.
بۇل كورىنىس ءسىزدىڭ نەسيە العىش قاسيەتىڭىزدى، تىرنەكتەپ جينايتىنىڭىزدى ايعاقتايدى.
كەلگەن قوناعىڭىزدىڭ تاڭدايىن قاقتىرىپ، جايلىلىق سىيلاعىڭىز كەلسە، ۇيىڭىزدەن دەمالعىڭىز كەلسە، ءبىز ۇسىنعان قۇلاققاعىستارعا نازار اۋدارىڭىز.
