ورتالىق سايلاۋ كوميسسياسى ق ر پرەزيدەنتتىگىنە ۇمىتكەر بولۋدى كوزدەگەن ادامدارعا تالاپتى كۇشەيتە ءتۇستى. ەندى ەل تۇتقاسىن ۇستاۋعا ۇمتىلعان ازامات وسك جاريالاعان 107 اۋرۋدان ادا دەگەن انىقتاما الۋى قاجەت.

قولدا بار اقپاراتقا سۇيەنسەك، ساي پرەزيدەنتتىككە ۇمىتكەر ازامات سيمپتوماتيكالىق، پسيحيكالىق بۇزىلۋلاردى قوسقاندا، ورگانيكالىق دەرتپەن اۋىرماۋى ءتيىس.

تىزىمدە پسيحوبەلسەندى زاتتاردى تۇتىنۋدان بولاتىن پسيحيكالىق جانە مىنەز-قۇلىق بۇزىلۋلارى، شيزوفرەنيا، شيزوتيپيالىق جانە ساندىراق اۋرۋلارى بار. بۇدان بولەك، ازامات اپاتتى باستان كەشكەننەن كەيىنگى سوزىلمالى وزگەرىسكە شالدىقسا ءارى ەموسيالىق تۇراقسىز بولسا كانديدات بولا المايدى.

سونىمەن قاتار، گيپومانيا، مانيا، بيوپوليارلى اففەكتىلىك بۇزىلۋ، شيزويد، پاانويد، يستەريا، شيزوفرەنيا، پەدوفيليا سىندى دەرتتەر دە تىزىمنەن ورىن تاپقان.

مۇنداي مەديسينالىق كۋالاندىرۋ كانديدات بويىندا اۋرۋدىڭ بار-جوعىن انىقتاۋ ءۇشىن جۇرگىزىلەدى.

بۇگىن ساعات 11:00-دە نۇر-سۇلتان قالاسىندا وتالىق سايلاۋ كوميسسياسىنىڭ وتىرىس وتەدى. اتالعان ماسەلەلەر سول باسقوسۋدا كەڭىنەن تالقىلانباق.