شري-لانكانىڭ بارلىق مەملەكەتتىك مەكتەپ وقۋشىلارى 29 ءساۋىر، دۇيسەنبىگە دەيىن وقۋىن توقتادى دەپ حابارلايدى Qamshy.kz اقپارات اگەنتتىگى ريا نوۆوستي سايتىنىڭ دەرەگىن نەگىزگە الا وتىرىپ.

بۇعان دەيىن ارال بيلىگى ەلدىڭ بارلىق مەكتەپتەرى 22-23 ءساۋىر كۇندەرى جابىق بولادى دەپ حابارلاعان بولاتىن. جەكە كاتوليكتىك مەكتەپتەردىڭ ساباقتارى 29 ساۋىرگە دەيىن توقتاتىلعان. ءبىلىم مينيسترلىگى بارلىق مەملەكەتتىك مەكتەپتەردە ساقتىق شارالارىن ەسكەرە وتىرىپ، دەمالىس ۋاقىتىن 29 ساۋىرگە دەيىن سوزۋدى شەشكەن.

ەستەرىڭىزگە سالا كەتسەك، جەكسەنبى كۇنى شري-لانكادا بىرنەشە جارىلىس بولىپ، سالدارىنان 310  ادام قازا تاۋىپ، 480 ادام جارالانعان بولاتىن.

CNN تەلەارناسىنىڭ دەرەككوزدەرى ءۇندىستان مەن اقش-تىڭ ارنايى قىزمەتى شري-لانكا بيلىگىن تەراكت جاسالۋ ءقاۋپى بار ەكەنىن الدىن الا ەسكەرتكەنىن مالىمدەدى. ولاردىڭ ايتۋىنشا، بۇل ەسكەرتپەلەر ءساۋىر ايىنىڭ باسىندا بولعان.

تەلەارنا جۋرناليستەرى قۇجاتتاردىڭ بىرىندە، جارىلىس جاساۋى مۇمكىن كۇدىكتىلەردىڭ ءتىزىمى دە بولعانىن حابارلادى.