ق ر تۇڭعىش پرەزيدەنتى نۇرسۇلتان نازارايەۆ ءوزىنىڭ الدا كەلە جاتقان كەزەكتەن تىس پرەزيدەنت سايلاۋىنا قاتىسقانىن قالايتىنداردىڭ كوپتىگىن ايتتى. بۇل تۋرالى ەلباسى نۇر-سۇلتان قالاسىندا وتكەن "Nur Otan" پارتياسىنىڭ كەزەكتەن تىس ءحىح سەزىندە مالىمدەدى.

"مەنىڭ وكىلەتتىلىگىمدى توقتاتۋىم ايتارلىقتاي اسەر ەتكەن ازاماتتاردان كوپ حاتتار الدىم. مەنىڭ سايلاۋعا قاتىسقانىمدى قالايدى. ولاردىڭ تۇراقتىلىقتى ۇناتاتىنىن تۇسىنەمىن. وسىنداي جىلى قارىم-قاىناس ءۇشىن ولارعا باس ءيىپ العىس بىلدىرەمىن"، -دەدى ەلباسى.

پارتيانىڭ كەزەكتەن تىس سايلاۋىندا پرەزيدەنتتىككە ۇمىتكەر رەتىندە ۇسىنىلاتىن تۇلعانىڭ اتى اتالۋ قاجەت. ال نۇرسۇلتان ءابىش ۇلى پارتيا ءتوراعاسى رەتىندە قاسىم-جومارت توقايەۆتىڭ كانديداتۋراسىن ۇسىندى.

"قۇرمەتتى ارىپتەستەر، مەن قاسىم-جومارت كەمەل ۇلىنىڭ كانديداتۋراسىن ق ر پرەزيدەنتى پوستىنا ۇسىنۋ تۋرالى سۇراقتى سەزدە قاراۋدى ەنگىزەمىن"، - دەدى ول.

"Nur Otan" پارتياسى ۇسىنعان ۇمىتكەردىڭ كەزەكتەن تىس پرەزيدەنت سايلاۋىندا جەڭىسكە جەتەتىنىنە ەلباسى تولىق سەنىمدى.

"ساياسي كەڭەستىڭ، بيۋرونىڭ مۇشەلەرى تىسقارى قالماۋى ءتيىس. ادامدارمەن جولىعىپ، ءتۇسىندىرۋ كەرەك. الەمدە نە بولىپ جاتقانىن ءبارى كورىپ وتىر. ۇگىت-ناسيحات ناۋقانىندا زاماناۋي تاسىلدەردى قولدانۋ قاجەت. بىزگە ادامداردىڭ سەنەتىنىنە جانە ءبىزدىڭ باعىتتىڭ دۇرىستىعىنا قاراپ، جەڭىس ءبىزدىڭ قولدا بولارىنا سەنەمىن"، - دەپ تۇيىندەدى نۇرسۇلتان ءابىش ۇلى.

ەسكە سالا كەتەيىك، 9-ماۋسىم قازاقستان پرەزيدەنتى قاسىم-جومارت توقايەۆتىڭ بۇيرىعىمەن كەزەكتەن تىس پرەزيدەنت سايلاۋى رەتىندە جاريالاندى.

وسك حابارلاۋىنشا، كانديداتتاردى ۇسىنىۋ 10-ساۋىردەن 28ء-ساۋىر كۇنى ساعات 18:00-گە دەيىن جالعاسادى.