بۇگىن Nur Otan پارتياسىنىڭ كەزەكتەن تىس سەزىندە قورىتىندى ءسوز سويلەگەننەن كەيىن ەلباسى نۇرسۇلتان نازاربايەۆ بەكبولات تىلەۋحاننىڭ «ەلىم مەنىڭ» ءانى شىرقالىپ جاتقاندا كوزىنە جاس الدى دەپ حابارلايدى Qamshy.kz اقپارات اگەنتتىگى 'QK' جۋرنالىنىڭ youtube.com كانالىنا سىلتەمە جاساپ.

"ءبىزدىڭ ماقساتىمىز – ەل تۇرعىندارىنىڭ جاعدايىن جاقسارتىپ، قوعامدى ودان ارى وركەندەتۋ. بارلىق ەلدەرمەن سالىستىرعاندا ءبىز ۇلكەن دە، كىشى دە مەملەكەت ەمەسپىز. مىناۋ كەڭىستىكتەگى جاعدايىمىز قيىن دا، وڭاي دا، ەكى جاعداي دا بار. وسىنداي زاماندا ارتتا قالماۋ ءۇشىن، باسقا ەلدىڭ شاڭىن جۇتپاۋ ءۇشىن، بىرلىك كەرەك. ءبىراق ءبىزدىڭ جاعدايىمىزدا كەراۋىزدارعا ءسوز بەرىپ قويساق، ەلدىكتەن ايرىلامىز، تاۋەلسىزدىكتەن جۇرداي بولامىز»، –  دەدى ەلباسى.

ايتا كەتەيىك، «Nur Otan» پارتياسىنىڭ كەزەكتەن تىس ءحىح سەزىندە  ەلباسى نۇرسۇلتان نازاربايەۆ پرەزيدەنتتىككە ۇمىتكەر رەتىندە قاسىم-جومارت توقايەۆتى ۇسىندى. 

ۇسىنعان: ماقپال سەمباي