قازاقستاندىق بوكسشى تۇرسىنباي قۇلاحمەت بانگكوكتە ءوتىپ جاتقان ازيا چەمپيوناتىنىڭ 1/2 فينالىنا جولداما الدى دەپ حابارلايدى Qamshy.kz اقپارات اگەنتتىگى Prosports.kz سايتىنا سىلتەمە جاساپ.

75 كگ دەيىن سالماقتا سىنعا تۇسكەن جەرلەسىمىز وزبەكستاندىق بوكسشى يسرايل مادريموۆتەن باسىم ءتۇستى. 

سونىمەن قاتار، قازاقستاندىق تاعى ءبىر بوكسشى زاكير سافيۋللين 60 كگ دەيىن سالماقتا سىنعا ءتۇسىپ، قىتايلىق بوكسشى سزيۋن شاندى قاپىدا قالدىرعان بولاتىن. ءسويتىپ، زاكير دە جارتىلاي فينالعا ءوتتى. 

جانە 2016 جىلعى وليمپيادا ويىندارىنىڭ كۇمىس جۇلدەگەرى ۆاسيليي ليەۆيت شيرەك فينالدا يراك ەلىنىڭ بوكسشىسى ساادي موحاممەد رابەامەن كەزدەستى. كەزدەسۋ بارلىق راۋندقا سوزىلىپ، ليەۆيتتىڭ پايداسىنا شەشىلدى. وسىلايشا، 31 جاستاعى ۆاسيليي ليەۆيت تە ءتۋرنيردىڭ جارتىلاي فينالىنا ءوتتى.

كەشكى سەسسيادا (17:00) تاعى ەكى بوكسشىمىز جۇدىرىقتاسادى.

69 كەلى سالماقتا: اسلانبەك شىمبەرگەنوۆ (قازاقستان) - بوبو-ۋسمون باتۋروۆ (وزبەكستان)

+91 كەلىسالماقتا: قامشىبەك قوڭقابايەۆ (قازاقستان) - وداي الحيۆداۆي (يوردانيا)

ەسكە سالايىق، كەشە 2019 جىلعى ازيا چەمپيوناتىنىڭ جارتىلاي فينالىنا ءۇش بوكسشىمىز جولداما الدى: تەمىرتاس ءجۇسىپوۆ (49)، ءساناتالى تولتايەۆ (64) جانە بەك نۇرماعانبەت (81). ال قايرات ەرالييەۆ (56) 1/4 فينالدا جەڭىلدى.

ۇسىنعان: ماقپال سەمباي