1 مامىردا نۇر-سۇلتان، الماتى، سەمەي، قاراعاندى جانە اقتوبە قالالارىندا باس پروكۋراتۋرانىڭ رەسمي حابارلاماسىنا قاراماستان،سانكسيالانباعان ميتينگىلەر مەن ازاماتتاردىڭ جينالۋى ورىن الدى. وسىعان بايلانىستى قازاقستان رەسپۋبليكاسى ءىىم باسپا ءسوز قىزمەتى مالىمدەمە تاراتتى.

اكسياعا قاتىسۋشىلارعا وزدەرىنىڭ ۇستانىمدارى مەن الەۋمەتتىك جانە باسقا دا پروبلەمالىق ماسەلەلەر بويىنشا پىكىرلەرىن ەركىن جانە اشىق بىلدىرۋگە مۇمكىندىك بەرىلدى.

الايدا نۇر-سۇلتان جانە الماتى قالالارىندا جينالعانداردىڭ ىشىنەن ءبىرقاتار ادامدار وزدەرىن اگرەسسيالىق تۇردە ۇستاپ،تىيىم سالىنعان "دۆك" ەكسترەميستىك ۇيىمىنىڭ ۇراندارىن ايقايلاپ ايتىپ، قوعامدىق ءتارتىپتى بۇزدى.وسىعان بايلانىستى اكىمدىكتەر مەن پروكۋراتۋرا وكىلدەرى بەيبىت ميتينگىلەر، جينالىستار مەن شەرۋلەر وتكىزۋ ءتارتىبى تۋرالى زاڭنامانىڭ ەرەجەلەرىن ءتۇسىندىردى.

جەكەلەگەن ازاماتتار زاڭسىز ارەكەتتەردى توقتاتۋ تۋرالى تالاپتارعا باعىنبادى. سودان كەيىن پوليسيا كۇشىمەن قوعامدىق ءتارتىپتى قالپىنا كەلتىرۋگە جانە ءتارتىپ بۇزۋشىلاردى ۇستاۋ شارالارى قابىلداندى.ناتيجەسىندە ەلوردادا جانە الماتىدا پوليسيا بولىمدەرىنە 80 ازامات جەتكىزىلدى. ولاردىڭ ارەكەتتەرىنە زاڭدا بەلگىلەنگەن تارتىپپەن قۇقىقتىق باعا بەرىلەتىن بولادى.

ىشكى ىستەر مينيسترلىگى ازاماتتارعا ارانداتۋشىلىققا بەرىلمەۋگە جانە قازاقستان رەسپۋبليكاسىنىڭ زاڭناما تالاپتارىن ساقتاۋعا شاقىرادى.