ۋكراينا زاڭدارىنىڭ اياسىندا، بارلىق تالاپتارعا ساي جانە نارىقتىق باعامەن ەلدەگى جاڭا سايلانعان پرەزيدەنتتىڭ ايەلى قىرىمنان ءۇي ساتىپ العان. بۇل اقپاراتتى ۆلاديمير زەلەنسكيي شتابىنىڭ باسپا ءسوز حاتشىسى راستادى دەپ حابارلايدى Qamshy.kz اقپارات اگەنتتىگى ۆەستي سايتىنا سىلتەمە جاساپ.

بۇرىنىراق عالامتوردا ەلەنا زەلەنسكايانىڭ يالتاداعى كاسىپكەر الەكساندر بۋرياكوۆتىڭ پەنتحاۋسىن نارىقتاعى باعاسىنان ەكى ەسە تومەن قاراجاتقا ساتىپ العان.

ۋكراينانىڭ جاڭا پرەزيدەنتىنىڭ شتابىندا ەلەنانىڭ بۇل پاتەردى راسىندا ساتىپ العانىن راستادى. ءبىراق بۇل ساۋدا 2013 جىلى ورىن العان. ساتىپ الىنعاننان كەيىن بارلىق الىم-سالىقتارى تولەنگەن. پاتەر زەلەنسكايانىڭ اتىنا راسىمدەلگەن.

وسىلايشا زەلەنسكييلەر وتباسى بۇل ۇيگە ۋكراينا قىرىمدى قايتارعاننان كەيىن ورالماق. دەگەنمەن، كەي دەرەكتەرگە ارقا سۇيەسەك، پاتەر ساتىلىمعا قويىلعان. ونىڭ قازىرگى قۇنى – التى جىل بۇرىنعى باعاسىنان بەس ەسەگە ارتىپ كەتكەن. ناقتىراق ايتساق، باعاسى – 790 مىڭ ەۋرو.

ەلەنا زەلەنسكايانىڭ پەنتحاۋسى كوپتەگەن جەلى قولدانۋشىلارىنىڭ قىزىعۋشىلىعىن تۋعىزۋدا.

اۋدارعان: ادىلەت مادەنيەت