"گولوس. دەتي" مۋزىكالىق بايقاۋىنىڭ قاتىسۋشىسى، جۇلدەلى ەكىنشى ورىننىڭ يەگەرى "تاڭعى حابار" باعدارلاماسىنا سۇحبات بەرىپ، ەلدىڭ كوكەيىندەگى بىرنەشە سۇراققا جاۋاپ بەردى دەپ حابارلايدى Qamshy.kz اقپارات اگەنتتىگى.

كىشكەنتاي ونەرپاز باعدارلاماعا اناسىمەن بىرگە قوناق بولىپ كەلگەن. سول جەردە جۋرنالسيتەردىڭ بىرنەشە سۇراقتارىنا جاۋاپ بەرىپ، ءوزىنىڭ ەرەسەك ادامدارشا سويلەۋ مانەرىمەن كورەرمەندەردىڭ ىقىلاسىنا بولەندى.

ءانشى بالاپاننىڭ اناسى بايقاۋعا قاتىسۋ ءۇشىن ءتورت اي بويى ۇيدەن جىراق جۇرۋگە تۋرا كەلگەنىن، ەڭبەكتەرىنىڭ اقتالعانىن، بالاسىنىڭ بولاشاعىنان زور ءۇمىت كۇتەتىنىن جەتكىزدى. سونىمەن قاتار، ول بالاسىنىڭ بويىنداعى تالانتىن 3 جاسىنان باستاپ بايقاعان ەكەن.

"مەنىڭ ءبىرىنشى ورىن الماعانىم جاقسى بولدى. ەگەر مەن باس جۇلدە جەڭىپ السام، سول ۋاقىتتا عانا مەنى ماقتاپ، ەل ۇمىتىپ كەتەر ەدى"، - دەگەن مازمۇنداعى جازبا جاريالاعان ەدى جاس ءانشى ءوزىنىڭ الەۋمەتتىك جەلىدەگى پاراقشاسىندا بىرەر كۇن بۇرىن.

وسى جازبانى نەگىزگە الا وتىرىپ قويىلعان سۇراققا ەرجان تياناقتى جاۋاپ بەرە الدى.

"مەنىڭشە، ەكىنشى ورىن العانىم دۇرىس تا بولعان سياقتى. ويتكەنى، ءبىرىنشى ورىندى السام، سول كەزدە عانا مەنى قۇتتىقتاپ، الەۋمەتتىك جەلىگە ءبىر جىلت ەتكىزەتىن دە قوياتىن. ال ءقازىر تانىمالدىلىعىم ارتتى ەكىنشى ورىننىڭ ارقاسىندا"، - دەدى ءانشى بالاپان.

ال جاس تالانتتىڭ اناسى بالاسى ءۇشىن قاتتى قوبالجىعانىن، جانى بىرگە بولعانىن ايتىپ سىر ءبولىستى. ونىڭ ايتۋىنشا، وسى ارالىقتا جاسالعان بارلىق ەڭبەگى بەلگىلى ءبىر دەڭگەيدە اقتالعانداي.

سونداي-اق، جاس ءانشى كادردا كورىنگەن ستاكاننىڭ سىنىپ قالۋىنا بايلانىستى "ول كولونكانىڭ ۇستىندە تۇرعان جۇقا ىدىس بولۋى مۇمكىن" دەپ پىكىر ءبىلدىردى.

ۇسىنعان: ادىلەت مادەنيەت