بىرنەشە كۇن بۇرىن حالىقارالىق مۋزىكالىق ىرگەلى كونكۋرستاردىڭ ءبىرى – "ەۋروۆيدەنيەگە" سەرگەي لازاريەۆ قانا ەمەس، ونىڭ ارىپتەسى، بەلگىلى ءانشى السۋ دا قاتىسادى دەگەن اقپارات تارادى عالامتوردا. سەرگەي لازاريەۆ رەسەي اتىنان قاتىسۋشى بولىپ بارۋدى جوسپارلاسا، السۋ قورىتىندى كورسەتكىشتەردى حابارلاپ تۇرۋى ءتيىس-تىن دەپ حابارلايدى Qamshy.kz اقپارات اگەنتتىگى ۆەستي باعدارلاماسىنا سىلتەمە جاساپ. 

السۋعا بۇل كونكۋرس بوتەن ەمەس. 19 جىل بۇرىن "Solo" انىمەن قاتىسىپ، جۇلدەلى ەكىنشى ورىندى قانجىعاسىنا بايلاعان.

دەسەك تە، كۇنى كەشە اتالمىش كونكۋرستى تىكەلەي ەفيردە كورسەتەتىن "روسسيا-1" تەلەارناسى "ۆەستي" باعدارلاماسى ارقىلى رەسەيدىڭ ەڭبەك سىڭىرگەن ءارتىسىنىڭ ءىرى بايقاۋعا بارمايتىنىن جەتكىزدى. العاشىندا السۋعا جۇكتەلگەن ميسسيانى پيانينونىڭ قۇلاعىندا وينايتىن مۋزىكانت يۆان بەسسونوۆ اتقاراتىن بولىپ بەكىتىلىپتى.

ەڭ قىزىعى – بۇل شەشىمنىڭ سەبەبىنىڭ انشىلەر تاراپىنان ايتىلماۋى. ءتۇرلى بولجامداردىڭ ءتۇبى وتكەن اپتاداعى السۋدىڭ قىزى قاتىسقان "گولوس. دەتي" شوۋىنىڭ قورىتىندىسىنداعى داۋمەن بايلانىسىپ وتىر. ويتكەنى، اتالمىش بايقاۋدىڭ ناتيجەسىندە السۋدىڭ قىزى جەڭىسكە جەتىپ، كورەرمەندەر بۇل جەڭىستىڭ ءادىل جولمەن كەلگەنىنە كۇماندانعان جانە قوعامدىق داۋ تۋىپ كەتكەن-دى.

اتالعان جاڭالىققا بايلانىستى حالىقتىڭ باسىم كوپشىلىگى السۋ مەن ونىڭ قىزىنىڭ تاراپىنا جاعىمسىز پىكىر قالدىرۋدا. 

اۋدارعان: ادىلەت مادەنيەت