الماتى وبلىسىندا №19 ورتا مەكتەپتىڭ 9-سىنىپ وقۋشىسى وز-وزىنە قول جۇمساعان، دەپ حابارلايدى Qamshy.kz اقپارات اگەنتتىگى "الماتى" تەلەارناسىنىڭ دەرەگىن نەگىزگە الىپ.

"سۋيسيد سوتقا دەيىنگى تەرگەۋلەردىڭ ءبىرىڭعاي رەەسترىنە رەسمي تىركەلدى، ولەر الدىندا حات جازىپ قالدىرعان. سوعان قاراماستان يۋۆەنالدى پوليسيا قىزمەتكەرلەرى ءتيىستى تەرگەۋ شارالارىن قولعا الدى"، - دەپ حابارلادى الماتى وبلىسى پوليسيا دەپارتامەنتىنىڭ رەسمي وكىلى كوبەيحان نۇراحمەت.

ۇستازدارىنىڭ ايتۋىنشا، ءجاسوسپىرىم مەن باسقا وقۋشىلار اراسىندا كيكىلجىڭ بولماپتى. كەرىسىنشە، بالالار سىنىپ بەلسەندىسىنەن ۇلگى الىپ جۇرەدى ەكەن. ال وقۋشىنىڭ نەگە وز-وزىنە قول سالعانى بەيمالىم.

"بالا ۇنەمى مەنىمەن سويلەسىپ، ويىمەن ءبولىسىپ، ۇسىنىستارىن ايتاتىن. باسقا بالالارمەن رەنجىسكەن ەمەس. الەۋمەتتىك جەلىلەردە دە ەشتەڭە جازباعان. وتباسىندا ءبارى دۇرىس ەدى، اتا-اناسى بالالارىنا جاقسى قارايتىن. نەگە بۇلاي بولعانىن ەلەستەتۋ قيىن"، - دەيدى تالعار اۋدانىنداعى № 19 مەكتەپتىڭ ءمۇعالىمى ايدار مامىشيەۆ.

ۇسىنعان: اسەل بولات قىزى