ايگىلى رەسەيلىك «گولوس. دەتي» مۋزىكالىق بايقاۋىنىڭ شەف-رەداكتورى الەكساندر پودياپولسكيي جۇرەك تالماسىنا ۇشىراپ، جان ساقتاۋ بولىمىندە جاتىر. ول تۋرالى ايەلى الەنا بورودينا، Instagram پاراقشاسىندا ءبولىستى دەپ حابارلايدى Qamshy.kz اقپارات اگەنتتىگى.

ايەلىنىڭ ايتۋىنشا، پودياپولسكيي ماسكەۋلىك اۋرۋحانالاردىڭ بىرىنە جاتقىزىلعان. سونداي-اق الەنا بورودينانىڭ ويىنشا، كۇيەۋىنىڭ مۇنداي جاعدايعا ۇشىراۋىنا سوڭعى كەزدەرى كوپ كۇيزەلىسكە ءتۇسۋى سەبەپ بولىپ وتىر. «كۇيزەلىستىڭ سالدارى وزىنىكىن الماي قويمايدى»، - دەپ جازدى بورودينا. ناۋقاستىڭ قازىرگى جاعدايى جاقسارعان. 

ەستەرىڭىزدە بولسا، «گولوس. دەتي» شوۋىنىڭ اقتىق سىنى 26 ساۋىردە اياقتالىپ، ارتى ۇلكەن داۋعا ۇلاسقان ەدى. سمس ارقىلى داۋىس بەرۋ ناتيجەسىندە ءانشى السۋ مەن بانكير يان ابراموۆتىڭ قىزى ميكەللا بايقاۋدا جەڭىسكە جەتكەن بولاتىن. الايدا كورەرمەندەردىڭ كوپشىلىگى بەرىلگەن جۇلدەلى ورىندارعا كەلىسپەيتىندەرىن ايتىپ، ابراموۆانىڭ جەڭىسىن تەرىسكە شىعاردى.

ءبىرىنشى ارنا ۇجىمى داۋىس بەرۋدىڭ  شىن مانىندە "قيىن" وتكەنىن مويىندادى. ونىڭ ءمان-جايىن انىقتاۋ ءۇشىن ارنا قىزمەتكەرلەرى كيبەرشابۋىلداردى زەرتتەۋمەن اينالىساتىن Group-IB كومپانياسىن وسى ىسكە تارتقان بولاتىن.

ەستەرڭىزگە سالا كەتسەك، بۇل بايقاۋعا قازاقستانان ەرجان ماكسيم دە قاتىسىپ، اقتىق مارەگە دەيىن جەتكەن بولاتىن. مۋزىكالىق بايقاۋدا ەرجان ماكسيم ەكىنشى ورىن يەلەندى.

سونىمەن قاتار، بۇل داۋعا «گولوس» (The Voice) مۋزىكالىق شوۋىنىڭ تۇپكى يەسى نيدەرلاندتىق Talpa Media Holdings كومپانياسى دا الاڭداۋشىلىق بىلدىرگەن.

ۇسىنعان: مارجان سابەت