رەسەيلىك ءتولقۇجاتتىن بەرۋ ورىنجايى ءوز ەگەمەندىگىن جاريالاعان لحر-دە اشىلدى. بۇل تۋرالى Qamshy.kz اقپارات اگەنتتىگى ريا نوۆوستي سايتىنا سىلتەمە جاساي وتىرىپ حابارلايدى.

لحر سىرتقى ىستەر ءمينيسترىنىڭ ورىنباسارى ميحايل پاراسكەيەۆتىڭ ايتۋىنشا، ءوڭىر تۇرعىندارى 6-مامىردان باستاپ ورىنجايعا كەلىپ، ءتولقۇجات الۋ ءۇشىن ارىز جازۋىنا بولادى.

"ەرتەڭگى كۇننەن باستاپ لۋگانسك حالىق رەسپۋبليكاسىنىڭ اۋماعىندا كەدەن قىزمەتىنىڭ بولىمدەرى اشىلادى"، - دەدى پاراسكەيەۆ.

24ء-ساۋىر كۇنى رەسەي پرەزيدەنتى ۆلاديمير پۋتين لحر جانە دحر تۇرعىندارىنا رەسەيلىك ءتولقۇجات الۋ جولىن جەڭىلدەتۋ تۋرالى جارلىققا قول قويدى.

ال 1-مامىردا پۋتين ۋكراينا حالقىنىڭ بولەك ساناتىنا رەسەيلىك ازاماتتىقتى الۋى تۋرالى زاڭعا قول قويدى. كييەۆ ءوز تاراپىنان رەسەي ءتولقۇجاتىن العان جەرلەستەرىنىڭ ازاماتتىقتان ايىراتىنى تۋرالى مالىمدەدى.

اۋدارعان: يلدار اديلچەنوۆ