الماتى قالالىق پوليسيا دەپارتامەنتىنىڭ باسپا ءسوز قىزمەتى حابارلاعانداي، وسى كۇندەرى  دەپارتامەنتكە ارداگەرلەردىڭ 25 ۇيىمىنان  وتىنىشتەر كەلىپ تۇسكەن. ولار  جەڭىس كۇنى  قۇرمەتىنە، اسىرەسە «ماڭگىلىك  داڭق – بەسسمەرتنىي پولك» شەرۋىنىڭ باعىت-باعدارىنا وراي  شارالاردى جوسپارلاۋ كەزىندە قوعامدىق قاۋىپسىزدىكتى قامتاماسىز ەتۋدى كۇشەيتۋ جونىندە  ءوتىنىش جاساعان.  ارداگەرلەر ۇيىمدارىنىڭ حاتتارى تۇگەلدەي اقپاراتتاردى   ەسەپكە الۋ  كىتابىنا تىركەلگەن.

       الماتىدا 7–9 مامىر كۇندەرى ارالىعىندا كوپتەگەن مادەني-بۇقارالىق ءىس-شارالار جوسپارلانىپ وتىر.  سونىمەن بىرگە وسى كۇندەرگە  115 مىڭنان استام ادام قاتىساتىن  شەرۋ دە جوسپارلانعان. وسىعان وراي، قالالىق پوليسيا جەكە قۇرامنىڭ كۇشەيتىلگەن قىزمەت  كورسەتۋگە  كوشكەنىن حابارلايدى جانە دە ازاماتتاردىڭ قاۋىپسىزدىگىن قامتاماسىز ەتۋگە مۇمكىندىك  بەرەتىن بىرەگەي ءىس-شارالار قولدانىلاتىنىن مالىمدەيدى.

         اتاپ ايتقاندا، پوليسيا قىزمەتكەرلەرى  «ماڭگىلىك داڭق» كولونناسىنا ىلەسە ءجۇرىپ وتىرىپ، قاۋىپسىزدىكتى كۇشەيتۋدىڭ   جوعارى دەڭگەيىن قامتاماسىز ەتەتىن بولادى. سونداي-اق، مەرەكە كۇندەرى انتيتەرروريستىك قاۋىپسىزدىك  شارالارى دا  كۇشەيتىلمەك.

         2016 جىلدىڭ شىلدە ايىندا نيسسا قالاسىندا بولعان تەراكت كەزىندە  جۇك ماشيناسىنىڭ حالىقتى تاپتاپ وتكەنىن ەسكەرە وتىرىپ، شەرۋ قوزعالىسىنىڭ  بۇكىل باعىتى  بويىنشا  انتيتاراندىق  بەتون قورشاۋلار قويىلادى. سونىمەن قاتار، پوليسيا دەپارتامەنتى قوعامدىق ءتارتىپتى بۇزۋ فاكتىلەرىنە قاتىستى بارىنشا ناقتى الدىن- الۋ   شارالارىن  جۇرگىزەتىندىگىن  ەسكەرتەدى.

       قۇقىققورعاۋ ورگاندارى ەكسترەميستىك قوزعالىس وكىلدەرى تاراپىنان جاسالعان كەز-كەلگەن قوعامعا قارسى ىس-ارەكەتتەرگە جەدەل تۇردە قارسى ءىس-قيمىلدار جاسايتىنىن حابارلايدى جانە زاڭبۇزۋشىلارعا قاتىستى قازاقستان رەسپۋبليكاسىنىڭ زاڭنامالارىنا سايكەس قاتاڭ ءىس-شارالار قولدانىلاتىن مالىمدەيدى.

الماتى قالاسى  پوليسيا دەپارتامەنتىنىڭ

باسپا ءسوز  قىزمەتى.