جۇڭگو جاڭا يادرولىق كەلىسىم جاساۋ ءۇشىن رەسەي جانە اقش-پەن وتەتىن كەلىسسوزدەردەن باس تارتتى. بۇل تۋرالى قحر ءسىم وكىلى گەن شۋان ءسوزىن نەگىزگە الا وتىرىپ ريا نوۆوستي حابارلادى دەپ جازادى Qamshy.kz اقپارات اگەنتتىگى.

"ءبىز يادرولىق قارۋدى جويۋ تاقىرىبى بويىنشا ءۇش جاقتى كەلىسسوزدەرگە قاتىسپايمىز"، - دەدى ديپلومات. ونىڭ ايتۋىنشا، جۇڭگو قانداي جاعدايدا دا وزدەرىنىڭ اتىنان وزگە تاراپتىڭ سويلەگەنىنە قارسى.

وسىدان ءبىرشاما ۋاقىت بۇرىن اقش باسشىلىعىنىڭ ءانونيمدى وكىلدەرىنىڭ ايتۋى بويىنشا، ترامپ جاقىن ارادا جاڭادان "وتە اۋقىمدى يادرولىق كەلىسىمشارت" جاساۋعا ۇمتىلۋدا. امەريكالىق پرەزيدەنتتىڭ قازىرگى بەت العان باعىتىنا قارساق، يادرولىق قارۋدىڭ بارلىعى ءۇش ەلدە عانا، ياعني، رەسەي، اقش جانە قىتايدا بولۋى ءتيىس. سونىمەن قاتار، الەمدىك يادرولىق قارۋ ماسەلەسىن دە وسى ءۇش ەل قاداعالاۋى شارت ەكەن-مىس. ماسكەۋ امەريكالىق پرەزيدەنتتىڭ بۇل ۇسىنىسىنا كەت ءارى ەمەس.

ستراتەگيالىق شابۋىل قارۋلارىن شەكتەۋ جونىندەگى كەلىسىمگە سايكەس، اقش پەن رەسەي 2018 جىلدىڭ 5-اقپانىنا دەيىن يادرولىق قارۋ مولشەرىن 1550-دەن اسىرماۋى ءتيىس ەدى. كەلىسىمشارتتىڭ 2021 جىلى اياقتالادى.

اۋدارعان: ادىلەت مادەنيەت