ۋكراينانىڭ باس پروكۋراتۋراسى پرەزيدەنت قىزمەتىنىڭ سوڭعى اپتالارىن اتقارىپ جۇرگەن پەتر پوروشەنكونى جاۋاپ الۋعا شاقىردى. ونىڭ 2014 جىلى مايداندا بولعان ادامدار اپاتىنا قاتىسى بولۋى مۇمكىن دەپ حابارلايدى Qamshy.kz اقپارات اگەنتتىگى "يزۆەستيا" سايتىنا سىلتەمە جاساپ.

بۇل – پەتر پوروشەنوكنىڭ سۇراق-جاۋاپقا العاش شاقىرىلۋى ەمەس. 2016 جىلى دا ول وسى ءىس بويىنشا ءبىرقاتار سۇراقتارعا جاۋاپ بەرىپ، ءبىراق پروتوكولعا قول قويماي كەتكەن. ەندى ۋكراينانىڭ ەكس-پرەزيدەنتىنە ەسكى پروتوكولعا قول قويىپ، جاڭاسىنىڭ سۇراقتارىنا جاۋاپ بەرۋگە تۋرا كەلەدى.

بۇدان بولەك، تاقتان تۇسكەن پەتر پورشەنوكنىڭ بيزنەسمەن سەرگەي كۋرچەنكومەن بايلانىسى جونىندە جانە ۆيكتور يانۋكوۆيچتىڭ پرەزيدەنت بولىپ تۇرعان ۋاعىندا ميلليارد گريۆيندى جىمقىرعانى جايلى اقپارات تاراۋدا.

ەسكە سالا كەتەيىك، ءبىرشاما ۋاقىت بۇرىن پورشەنكودان يانۋكوۆيچتىڭ مەملەكەتتىك وزگەرىستەر جاساۋ كەزەڭىندەگى بىرنەشە ماسەلەگە بايلانىستى جاۋاپ الىنعان ەدى.

اۋدارعان: ادىلەت مادەنيەت