قاراعاندىلىق وتباسى وزدەرىنىڭ ومىرگە كەلگەن كىشكەنتاي سابيلەرىنە دەينەريس دەپ اتقويدى. بۇل ەسىم «يگرا پرەستولۆ» سەريالىنىڭ كەيىپكەرىنە ۇقساتىپ قويىلدى دەپ حابارلايدى Qamshy.kz اقپارات اگەنتتىگى Tengrinews.kz. سايتىنا سىلتەمە جاساپ.

كىشكەنتاي دەينەريس 26ء-ساۋىر كۇنى كومىرلى استانادا دۇنيەگە كەلگەن. وعان وسىنداي ەرەكشە ەسىم بەرۋدى اتا-اناسى بىرنەشە جىل بۇرىن شەشىپ قويعان.

"كۇيەۋىم "يگرا پرەستولوۆ" سەريالىن كورە باستادى. ءبىراق ول ماعان ۇنامايتىن. مەن تەك وسى ەسىمدى كەزدەيسوق ەستىپ قالىپ، بىردەن ۇناتتىم. كەيىننەن مەن دە بۇل سەريالدى تۇراقتى تۇردە كورە باستادىم"، - دەيدى دەينەريستىڭ اناسى ريمما.

كۇيەۋى بولاشاق سابيلەرىنە سەريال كەيىپكەرىنىڭ اتىن بەرۋ ۇسىنىسىن قۋانا-قۋانا قابىل العان. ال جۇبايلاپردىڭ اتا-انالارى بۇعان قارسى بولىپتى.

"ءبارى بىزگە قارسى بولدى. مەنىڭ انام قىزىما وسىنداي ەسىم بەرسەم، پەرزەنتحاناعا كەلمەيتىنىن ايتتى. ول ءداستۇرلى ەسىمدەردى قۇپ كورگەن. ءبىراق بۇل مەنىڭ بالام عوي. وعان قانداي ەسىم بەرسەم دە قۇقىعىم بار. ءقازىر ءبارى قالپىنا كەلدى. ەڭ باستىسى – قىزىمىزدىڭ دەنىنىڭ ساۋ بولعانى. دارىگەرلەرگە ۇلكەن العىس بىلدىرەمىن. بارلىعى ءساتتى ءوتتى. ۇلكەن ۇلىمىزدىڭ ەسىمى دە ەرەكشە – ادريان. بۇل ەسىمدى تابۋ ءۇشىن دە عالامتوردى تۇگەل قاراپ شىققانمىن"، - دەپ ءتۇيدى ءسوزىن دەينەريستىڭ اناسى.

ءقازىر دەينەريس ۇيىندە. جاعدايى جاقسى. ۇلكەن اعاسىمەن ويناعاندى، سەرۋەندەگەندى جاقسى كورەدى. اناسى ونىڭ سەريال كەيىپكەرىنە تەك اتى ۇقسايتىنىن، ءومىرىنىڭ ونداي بولعانىن قالامايتىنىن ايتادى. قىزىنىڭ دەنى ساۋ، اقىلدى، سۇلۋ ءارى ءبىلىمدى بولىپ جەتىلگەنىن قالايتىنىن جەتكىزدى. 

اۋدارعان: ادىلەت مادەنيەت