شىعىس ەمى، حيدجاما، سۇلىك سالۋ سەكىلدى شيپا تۇرلەرى سوڭعى جىلدارى بەلەڭ الا باستاعان. وسى ءۇردىس دامىعان سايىن تۇتىنۋشىلار تالابى دا ارتا ءتۇستى. "حالىق قالاسا، حان تۇيەسىن سويادى" دەگەن ءتامسىل بار. ەلدىڭ قالاۋىمەن، جۇرتتىڭ جاپپاي سۇرانىسىمەن الماتىدا اشىلعان "راشمەد" شىعىس مەديسيناسى ورتالىعىنىڭ لەنتا قيۋ راسىمىنە Qamshy.kz اقپارات اگەنتتىگىنىڭ ءتىلشىسى ارنايى بارىپ قايتقان ەدى.
"ءبىزدىڭ ماقساتىمىز – باتىس مەديسيناسىنداعى انتيبيوتيكپەن ەمدەۋ، ەكپەمەن، حيميالىق دارى-دارمەكتەرمەن ەمدەۋ سەكىلدى شيپاگەرلىكتى شەكتەۋ. قازاقتىڭ ءتان ساۋلىعى ءۇشىن قىزمەت ەتۋ"، - دەپ باستادى جيىندى اتالمىش مەديسينا ورتالىعىنىڭ باس دارىگەرى راشحان سىداي قىزى.
مەرەكەلىك قويىلىمنان...
...الماتى قالاسىنىڭ الاتاۋ اۋدانىندا ورنالاسقان كەڭ اۋلاداعى ەڭسەلى ۇيگە كىرىپ باردىق. ەسىك الدىندا ورنالاسقان كىشىگىرىم ساحنا، جاعالاي قويىلعان ورىندىقتار مەن جايىلعان داستارحاننان تويدىڭ ءيىسى اڭقىپ تۇرعانداي.
"توي دەسە قۋ باس دومالايدى" دەمەكشى، شاقىرىلعانى بار، دۇرمەكتىڭ ءدۇبىرىن ارتتىرۋعا سۇرانىپ كەلگەنى بار ءبىر قاۋىم ەلدىڭ قاراسى جيىلدى. تىزگىن ەسترادامىزدا بەدەلى بار، ەلگە ايگىلى "جىگىتتەر" كۆارتەتىنىڭ ءانشىسى باعلان ءابدىرايىموۆتىڭ قولىندا.
جيىن "راشمەد" مەديسينالىق ورتالىعىنىڭ اشىلۋ سالتاناتى بولسا دا، ونىڭ باستى ەرەكشەلىگى – الدا كەلە جاتقان ەكىنشى دۇنيەجۇزىلىك سوعىسىنىڭ 74 جىلدىق مەرەيتويىن ەسكەرۋىندە ەدى. الاتاۋ اۋدانىنىڭ ەڭبەك جانە تىل ارداگەرلەرىن ارنايى شاقىرتقان ورتالىق يەلەرى كەڭ داريا قارتتاردىڭ اق باتاسىنا، ىستىق لەبىزىنە بولەندى.
الاتاۋ اۋداندىق ارداگەرلەر القاسىنىڭ ءتوراعاسى قۇدايبەرگەن قابدۋلدين باستاعان اقساقالدار راشحان سىدايقىزىنا العىس ءبىلدىرىپ، جاساعان جۇمىسىنا، كوتەرگەن باستاماسىنا اق جول تىلەدى.
ساحنادا ەل رۋحىن كوتەرىپ، شات-شادىمان كوڭىل-كۇي سىيلايتىن اندەر ورىندالدى، كۇي شەرتىلدى. وسىنداي كىشىگىرىم مەرەكەلىك قويىلىمنان كەيىن اشىلۋ سالتاناتىنىڭ رەسمي راسىمىنە دە كەزەك كەلدى.
الگىندە عانا ءسوز سويلەپ، ايتۋلى جيىندى اشىپ بەرگەن قۇرمەتتى قوناق – التاۋ اۋداندىق ارداگەرلەر القاسىنىڭ ءتوراعاسى قۇدايبەرگەن قابدۋلدين "راشمەد" شىعىس مەديسيناسى ورتالىعىنىڭ لەنتاسىن قيدى.
"راشمەد" ارداگەرلەرگە قۇرمەت كورسەتتى
قارتىن سىيلاعان ەلدىڭ ازىپ-توزباسى، باتا العان ۇرپاقتىڭ باقىتتى بولارى انىق قوي. جۇڭگو ۇسىنعان قوماقتى قارجىنى تارك ەتىپ، اتاجۇرتقا قونىس اۋدارىپ كەلگەندەگى راشحاننىڭ ماقساتى دا وسى – قانداستارىنىڭ تانىنە اللادان شيپا سۇراپ، سول شيپاعا سەپ بولۋ.
جەڭىس كۇنى قارساڭىندا ءوز ەسىگىن ايقارا اشقان مەديسينالىق ورتالىقتىڭ يەلەرى اۋدان ارداگەرلەرىن سىي-سياپاتسىز قالدىرمادى.
ەڭبەك جانە تىل ارداگەرلەرىنىڭ بەلى اۋىرىپ، بالتىرى سىزداي قالسا، قىزمەتكە دايار ەكەندىكتەرىن كورسەتىپ، باعا جەڭىلدىكتەرىن، ياعني، جەڭىلدىك سەرتيفيكاتتارىن بەردى. مۇندا اپتانىڭ جۇما كۇندەرى سوعىس ارداگەرلەرىنە، ەڭبەك جانە تىل ارداگەرلەرىنە ناۋقاستارىنىڭ دەڭگەيىنە قاراي تەگىن ەمدەۋ، ءتۇرلى جەڭىلدىكتەرمەن ەمدەۋ سياقتى جولدارى قاراستىرىلعان.
قارتتاردىڭ كوڭىلىنە جاقىن جۇرەتىن ازاماتتاردىڭ باستاماسىنا ەلگە ءسوز ايتاتىن، كونەكوز قارتتاردىڭ قاتتى رازى ەكەنىنە بۇگىنگى جيىندا دا كوز جەتكىزدىك.
ارنايى شاقىرۋدى جەردە قالدىرماعان اۋدان ارداگەرلەرىنىڭ كوبىسى كوكىرەكتەرىنە وردەن-مەدالدارىن قاداپ، الدىڭعى قاتاردان تابىلدى. بۇل دا – جاڭا اشىلعان ورتالىققا دەگەن سەنىمنىڭ كورىنىسى.
راشحان سىداي قىزى – قازاقتىڭ ءوز ەمىن وزىنە شەكپەن جاۋىپ قايتارىپ جۇرگەن قىز
جازبانى وقىپ وتىرىپ، "ە، بۇگىن اشىلىپ، ەرتەڭ جابىلاتىن كوپ كلينيكانىڭ ءبىرى عوي" دەپ ويلاپ قالۋىڭىز دا عاجاپ ەمەس. ولاي ويلاساڭىز، ءارى قاراي وقىڭىز.
راشحان سىداي قىزى – قىتايدا تۋىپ، سول جاقتا وقۋ ءبىتىرىپ، جۇمىس جاساعان ازاماتشا. تەگى دە، ءبىتىم-بولمىسى دا، قانى مەن جانى دا قازاق. ءبولىم مەڭگەرۋشىسى قىزمەتىنە دەيىن كوتەرىلىپ تۇرسا دا، قىتايداعى مانسابىن، تابىسىن قۇربان ەتىپ، اتامەكەنگە ورالادى.
سونداعى ماقساتى – قولىمنان كەلگەن ەمىم، جيعان ءبىلىمىمنىڭ شاپاعاتى قازاققا، قانداس باۋىرعا ءتيسىن دەگەن وي. ول حيميالىق مەديسينانىڭ ادام اعزاسىنا ۋاقىتشا تىنىشتىق بەرگەنىمەن كوپ جاعدايدا وزگە مۇشەلەردى بۇلدىرەتىنىن بىلەدى. سول ءۇشىن قازاقتىڭ سايىن دالاسىنداعى ءتۇرلى شوپتەردى پايدالانىپ، ەمدەۋ ماشىعىن ارتتىرا تۇسكەن.
قازىرگى ۋاقىتتا قان قىسىمىنىڭ جوعارىلاۋى، ءولى قان، اسقورىتۋ مۇشەلەرىندەگى دەرتتەر، جۇيكە جۇيەسىنىڭ جانە بۇيرەك، ءزار شىعارۋ جولدارىنىڭ سىر بەرۋى جاسارىپ ءارى كوبەيىپ كەتكەن. وسى دەرتتەردىڭ ءبارىنىڭ ەمى بار اسىلىندە. شوپپەن ەمدەۋ، تۇزبەن، بالشىقپەن، قۇممەن ەمدەۋ باعىتىنداعى دۇنيەلەردى راشحان حانىم حاندىق داۋىردە جازىلعان وتەيبويداق تىلەۋقابىل ۇلىنىڭ "شيپاگەرلىك بايان" اتتى كىتابىنان باستاپ، بۇگىنگى دامىعان تەحنولوگياسىنا دەيىن وقىپ، زەرتتەپ كەلەدى.
"راشمەد" ۇشەۋ بولدى
وسىنداي ۇلى ماقسات ونى ەلگە الىپ كەلدى. ەلگە كەلگەن راشحان حانىم ءبارىن باسىنان باستاۋعا ءماجبۇر ەدى.
ونىڭ نۇر-سۇلتان قالاسىندا، وسكەمەن قالاسىندا اشقان ورتالىقتارى جۇرتشىلىقتىڭ جاپپاي ىقىلاسىنا بولەنىپ، بەلى اۋىرىپ، بالتىرى سىزداعان ازاماتتاردىڭ بارلىعىنا ۇنادى. سول ىقىلاس پەن العىس راشحان حانىمعا الماتى قالاسىنان بولىمشە اشۋعا تۇرتكى بولدى.
ويدا جۇرگەن ىزگى ماقساتتىڭ ورىندالۋىن جاراتقان بۇگىنگى كۇنگە بۇيىرتقان ەكەن.
جيىندا بولىپ، تىلەك ايتقان، لەبىز بىلدىرگەن، باتا بەرگەن قارتتاردىڭ بارلىعى ءوز رازىلىقتارىن تانىتىپ، ءتورت قاباتتان تۇراتىن مەديسينالىق ورتالىقتىڭ الداعى جۇمىسىنا ساتتىلىك تىلەپ تارقاستى.
ەندى الاتاۋ اۋدانىنىڭ كوركى ودان ءارى ارتا تۇسپەك. دەنە شىنىقتىرعىڭىز كەلسە – "الماتى ارەنا" سپورت كەشەنىنە، رۋحانياتىڭىزدى بايىتقىڭىز كەلسە – "الاتاۋ" ءداستۇرلى ونەر تەاترىنا، تۇشكىرىپ، تۇماۋ تيسە – "راشمەد" مەديسينالىق ورتالىعىنا تارتاسىز.
"اۋرۋ باتپانداپ كىرىپ، مىسقالداپ شىعادى" دەيدى دانا حالىق. جىلىنا ءبىر رەت مەديسينالىق ورتالىققا بارىپ، "موتورىڭىزدىڭ" كۇشىن تەكسەرتىپ تۇرساڭىز، ارتىق ەتپەيدى.
وقي وتىرىڭىز:
♦راشحان سىداي قىزى: ورىسشا بىلمەگەندىكتەن پرەزيدەنت ەمحاناسىندا جۇمىس ىستەۋدەن باس تارتتىم
پىكىر قالدىرۋ