ليتۆا مەملەكەتءىن الداعى بەس جىل بويى باسقاراتىن جاڭا پرەزيدەنتتىڭ ەسىمى جەكسەنبى كۇنى دە انىقتالمادى. سايلاۋدا ۇمىتكەر بولعان توعىز قاتىسۋشىنىڭ دا داۋىس سانى ورتا ەسەپپەن 50%-دان اسقان جوق. ەكى اپتادان كەيىن بولاتىن ەكىنشى اينالىمعا ءبىرىنشى كەزەڭدە وزا شاپقان ەكى ۇمىتكەر عانا وتەدى دەپ حابارلايدى Qamshy.kz اقپارات اگەنتتىگى رامبلەر سايتىنا سىلتەمە جاساپ.

سايلاۋ كوميتەتى وكىلدەرىنىڭ ايتۋىنشا، جەكسەنبىدەن دۇيسەنبىگە قاراعان ءتۇنى 54-جاستاعى ەكونوميست گيتاناس ناۋسەدا 31،18% داۋىس جيناسا، 44-جاستاعى قارجى سالاسىنىڭ ەكس-مينيسترى ينگريدا شيمونيتە   27،16%-عا يە بولدى.

سايلاۋعا ۇمىتكەر بولعان ليتۆا ەلىنىڭ پرەمەر-مينيسترى 48-جاستاعى ساۋليۋس سكۆەرنياليس ءۇشىنشى ورىندا قالعانى ءۇشىن وكىلەتتىلىگىن توقتاتۋعا شەشىم قابىلدادى.

–ساياساتكەر رەتىندە بۇل جەڭىلىستى حالىقتىڭ بەرگەن باعاسى دەپ بىلەمىن جانە ونىمەن تولىققاندى كەلىسەمىن. پرەمەر-مينيستر رەتىندە وكىلەتتىلىگىمدى توقتاتامىن،-دەدى سكۆەرنياليس.

كوپتەگەن ساياسات ماڭىندا جۇرگەن ادامداردىڭ ايتۋىنشا، ول سوڭعى ون جىلدا ەلدىڭ ەكونوميكاسىن كوتەرۋگە بەلسەنە اتسالىسقان ازاماتتاردىڭ ءبىرى.

الداعى ۋاقىتتا ليتۆانىڭ بولاشاق پرەزيدەنتىنەن حالىق ۇلكەن ءۇمىت كۇتىپ وتىر.

اۋدارعان: بەك بايتاس