رەسەيدەگى قازان قالاسىندا مەكتەپ وقۋشىسى ءوز سىنىبى مەن ءمۇعالىمدى تۇتقىنعا الدى. بۇل تۋرالى Qamshy.kz اقپارات اگەنتتىگى «لەنتا.رۋ» سايتىنا سىلتەمە جاساپ حابارلايدى.

قازان قالاسىندا ادوراتسكيي كوشەسىندە ورنالاسقان №7 مەكتەپ-گيمنازياسىندا پنيەۆماتيكالىق تاپانشا جانە پىشاقپەن قارۋلانعان 17 جاستاعى ءجاسوسپىرىم كابينەت ەسىگىنىڭ الدىن جاۋىپ، سىنىپتاستارى مەن ءمۇعالىمدى  شىعارماي قويدى. وقيعا تۋرالى حابار ساعات 11:15 پوليسيا قىزمەتكەرلەرىنە بەلگىلى بولىپ، ارنايى جاساق جەدەل قيمىلمەن مەكتەپكە ەلدى.  وپەراسيا بارىسىندا پوليسيا ءجاسوسپىرىمدى قارۋسىزداندىرىپ، بولىمشەگە الىپ كەتتى.

الدىن الا بولجام بويىنشا وقۋشى وز-وزىنە قول جۇمساماق بولعان، ءبىراق باتىلى جەتپەدى. سوندىقتان مەكتەپكە قارۋمەن كەلىپ، تۇتقىنعا الۋ كەزىندە ونى ولتىرەتىنە سەنگەن.

ەستەرىڭىزگە سالا كەتەيىك، ەڭ سوڭعى جانتۇرشىگەرلىك ارەكەت 17 قازان كۇنى قىرىمنىڭ كەرچ قالاسىندا ورىن الدى. اتالعان كوللەدجدىڭ ستۋدەنتى ۆلاديسلاۆ روسلياكوۆ وقۋ ورنىندا جارىلىس جاساپ، ارتىنان ءوزىن-وزى اتىپ ءولتىردى. جارىلىس پەن قىلمىسكەر اتقان وقتان 19 ادام قازا تاۋىپ، 40-تان استام ادام جارالاندى.

اۋدارعان: يلدار اديلچەنوۆ

وقي وتىرىڭىز:

 ♦كولۋمباين تەراكتىسىن قايتالاعان كەرچتىك قانىپەزەر ءپۋتيننىڭ فاناتى بولعان