ۋكراينا اسكەرى دونباسستى باسىپ الۋى ءۇشىن ءبىر كۇننەن از ۋاقىت كەتەدى دەدى «1+1» تەلەارناسىنىڭ ەفيرىندە ۋكراينانىڭ بىرلەسكەن كۇشتەرىنىڭ بۇرىنعى كومانديرى سەرگەي نايەۆ. بۇل تۋرالى  news.rambler.ru سايتىندا جاريالاندى دەپ حابارلايدى Qamshy.kz اقپارات اگەنتتىگى.

ونىڭ ايتۋىنشا، اسكەري سەنارييدە ەڭ باستىسى – ۋكراينا شەكاراسىنا جەتىپ، سول جەردە شوعىرلانۋ ءۇشىن وتە جىلدام ارەكەت ەتۋ.

سونىمەن قاتار سەرگەي نايەۆ، «بوساتىلعان اۋماقتاردا» ۇلتتىق گۆارديا مەن ۇلتتىق پوليسيا ارنايى ءىس-شارالاردى باستاۋى كەرەك دەپ اتاپ ءوتتى.

بۇعان دەيىن نوۆوروسسيا پارلامەنتىنىڭ ەكس-سپيكەرى ولەگ ساريەۆ نسن تەلەارناسىنىڭ ەفيرىندە، ۋكراينانىڭ دونباسستى قايتارۋ تۋرالى مالىمدەمەسىنە نە سەبەپتى ءمان بەرمەۋ كەرەك ەكەنى تۋرالى تۇسىندىرگەن بولاتىن.

ەستەرىڭىزگە سالا كەتسەك، ۋكراينانىڭ وڭتۇستىك-شىعىسىنداعى قارۋلى قاقتىعىستار 2014 جىلدىڭ كوكتەمىندە باستالعان. بۇۇ-نىڭ مالىمەتىنە سۇيەنسەك، بۇل قاقتىعىستا 10 مىڭنان استام بەيبىت تۇرعىن جازىقسىز قۇربان بولعان.

ۇسىنعان: مارجان سابەت