ءبىلىم جانە عىلىم ءمينيسترى كۇلاش ءشامشىدينوۆا جۇمىس بەرۋشىلەردەن قىزمەتكەرلەرىن 15 مامىر جۇمىستان ەرتە بوساتۋدى سۇرادى، دەپ حابارلايدى Qamshy.kz اقپارات اگەنتتىگى مينيسترلىكتىڭ باسپا ءسوز قىزمەتىنىڭ دەرەگىن نەگىزگە الىپ.

15 مامىر – حالىقارالىق وتباسى كۇنى. وسىعان وراي رەسپۋبليكادا اتا-انالاردىڭ جالپىۇلتتىق جينالىسى وتەدى.

"قۇرمەتتى اتا-انالار، ءبىلىم جانە عىلىم مينيسترلىگى سىزدەردى اتالمىش ءىس-شاراعا قاتىسۋعا شاقىرادى. ءبىلىم جانە عىلىم ءمينيسترى كۇلاش ءشامشىدينوۆا اتا-انالار بالالارى وقيتىن مەكتەپكە ۇلگەرۋ ءۇشىن جۇمىس بەرۋشىلەردەن قىزمەتكەرلەردى جۇمىستان ەرتە بوساتۋدى سۇرايدى"، - دەپ جازىلعان حابارلامادا.

جالپىۇلتتىق جينالىس كۇنى اتا-انالار مەكتەپكە كەلىپ، وقۋ ورنىنىڭ باسشىلارى، سىنىپ جەتەكشىلەرى جانە مۇعالىمدەرىمەن كەزدەسىپ، مازالاپ جۇرگەن ساۋالدارىنا جاۋاپ الۋ مۇمكىندىگىنە يە بولادى.

ۇسىنعان: اسەل بولات قىزى