كەشە، ياعني، 14-مامىر كۇنى نۇر-سۇلتان - پەتروپاۆل تاس جولىندا 11 وقۋشى مەن ءبىر ەرەسەك ادام ساپار شەككەن شاعىن اۆتوبۋس ورتكە وراندى. شاعىن ەكيپاجبەن بىرگە جۇرگەن پوليسيا قىزمەتكەرلەرى بالالاردى كولىك ىشىنەن الىپ شىعىپ، كولىك جۇرگىزۋشىسىمەن بىرگە ءورتتى سوندىرۋگە تىرىستى دەپ حابارلايدى Qamshy.kz اقپارات اگەنتتىگى NewTimes.kz اگەنتتىگىنە سىلتەمە جاساي وتىرىپ.

جەلدىڭ سالدارىنان ءورت ءورشىپ كەتكەندىكتەن، پوليسيا قىزمەتكەرلەرى جۇرگىزۋشىمەن قوسىلىپ، كولىكتى جولدىڭ شەتىنە ىسىرىپ تاستادى.

شاعىن اۆتوبۋس ءورتى 14-مامىر كۇنى ساعات 17:10 شاماسىندا سولتۇستىك قازاقستان وبلىسىنىڭ تايىنشا اۋدانى روشچينسك اۋىلىنىڭ ماڭىندا بولدى.

"قوزعالتقىشتان شىققان ءتۇتىندى سەزگەن جۇرگىزۋشى جول بويىنا توقتاپ، ءقاۋىپتىڭ الدىن الدى. كىلت توقتاعان گازەل كولىگىنىڭ ارتىنشا وبلىستىق ءىىب ەكيپاجىنىڭ قىزمەتكەرلەرى پوليسيا لەيتەنانتى جىگەر بالتاباي مەن اعا پولكوۆنيك باتىرحان مولدانجانوۆ تا كولىكتەرىن تەجەگەن. بالالاردى شاعىن اۆتوبۋستان شىعارىپ بولعان سوڭ، ءورت سوندىرۋشىلەردى شاقىرىپ، بارلىعى بىرگە جولاۋشىلاردى زالالسىزداندىرۋعا تىرىستى. قابىلدانعان شارالاردىڭ ناتيجەسىندە ەشكىم جاراقات المادى"،- دەدى ق ر ءىىم-نىڭ رەسمي وكىلى ءنۇردىلدا وراز.

سولتۇستىك قازاقستان وبلىسى توتەنشە جاعدايلار دەپارتامەنتىنىڭ حابارلاۋىنشا، وقيعا ورنىنا 37 شاقىرىم جەردە ورنالاسقان كەللەروۆكا كەنتى №17 ءورت ءسوندىرۋ بولىمشەسىنىڭ كەزەكشى كۇزەتى كەلىپ جەتكەن. 17:53-تە كولىك تولىعىمەن جانىپ ءبىتتى.

"ءورت بولعان ورىندى تولىعىمەن تازارتتىق. قۇربان بولعاندار مەن زارداپ شەككەندەر جوق. ءورت شىققان سەبەپ - قوزعالتقىش بولىمىندەگى ەلەكتر سىمدارىنىڭ قىسقا تۇيىقتالۋى"،- دەپ مالىمدەدى توتەنشە جاعدايلار دەپارتامەنتى.

روششچينسك كەنتىنەن تاعى ءبىر كولىك الدىرىپ، پوليسيا قىزمەتكەرلەرى بالالاردى وتباسىنا امان-ەسەن جەتكىزدى.

اۋدارعان: بەك بايتاس