ششۋچينسك قالاسىندا ق ر پرەزيدەنتتىگىنە ۇمىتكەر سادىبەك تۇگەلدىڭ "ۇلاعاتتى ۇرپاق-ۇلتتىق ۇستانىم" اتتى شىعارماشىلىق كەشى وتكىزىلدى دەپ حابارلايدى Qamshy.kz اقپارات اگەنتتىگى. بۇل كەش تۋرالى اقپارات ۇمىتكەردىڭ جەلىدەگى پاراقشاسىندا جاريا ەتىلدى. 

مادەنيەت جانە ونەر قىزمەتكەرلەرى كۇنى قارساڭىندا وتكىزىلىپ وتىرعان كەشتىڭ ماقساتى-مادەنيەت پەن ونەردى قولداۋ، ۇلتتىق قۇندىلىقتاردى ۇلىقتاۋ، سايلاۋشىلارمەن كەزدەسۋ.

كەش بارىسىندا ق ر پرەزيدەنتتىگىنە كانديدات سادىبەك تۇگەل شىعارماشىلىعىنا ارنالعان بەينەروليكتەر كورسەتىلىپ، جەرگىلىكتى انشىلەر گۇلىم قۇدىسبەك، ارايلىم ساقىتباي، ءومىرزاق قۇربانوۆ ونەرلەرىن كورسەتتى.

ءوز كەزەگىندە ءسوز العان تانىمال جازۋشى-جۋرناليست، قوعام قايراتكەرى، "حالىق سۇيىكتىسى-2017" ۇلتتىق سىيلىعىنىڭ يەگەرى سادىبەك تۇگەل "ۇلى دالا قىراندارى" مادەني-الەۋمەتتىك قوزعالىسىنىڭ اتىنان پرەزيدەنتتىككە ۇمىتكەر رەتىندە قوعامدىق دەڭگەيدە ءوز تاراپتارىنان اتقارعان جۇمىستارى، جاستاردى وتانسۇيگىشتىككە باۋلۋداعى بىرلەستىكتىڭ ورنى جايلى اڭگىمەلەپ، كەشكە قاتىسۋشىلار قويعان ساۋالدارعا جاۋاپ بەردى.

كانديداتتىڭ سەنىمدى وكىلى تالعات ومار سادىبەك تۇگەلدىڭ قولىنا العان ءىسىن ءارقاشان سوڭىنا دەيىن جەتكىزەتىن تاباندىلىعى مەن ۇلتتىق قۇندىلىقتاردى ۇلىقتاۋداعى ەرەكشە ەرىك-جىگەرى جايلى ايتا كەلە، ونىڭ شىعارماشىلىعىن دا قاتار الىپ كەلە جاتقاندىعىنا دا توقتالدى.

"سادىبەكتىڭ وسىنشا قاجىر-قايراتتى قايدان الاتىنىنا قايران قالامىن. كىتابىن دا جازادى، قوعامدىق جۇمىستى اتقارۋعا دا ۋاقىت تابادى، قۇلاگەردەي تۇلپارعا ەسكەرتكىش تە سالادى. بارىنە قالاي ۇلگەرەدى"،- دەدى تالعات ومار.

پرەزيدەنتىككە ۇمىتكەردىڭ اقمولا وبلىسىنداعى سەنىمدى وكىلى ەربولات سەزحان "سادىبەك تۇگەل شىعارماشىلىعىنىڭ ىشىندە جاس ۇرپاق بويىنا رۋح بەرەتىن قازانات تاقىرىبى مەن ەلدىك ماسەلەسى باستى ورىندا. بۇگىنگى كەزدەسۋدىڭ ماڭىزدىلىعى جاستار قوعامنىڭ قوزعاۋشى كۇشى رەتىندە وسىنداي تۇلعالاردان ۇلگى الۋعا ءتيىس"، - دەدى.

اقمولا وبلىسى بويىنشا "ۇلى دالا قىراندارى" رقب ءتوراعاسى، كانديداتتىڭ سەنىمدى وكىلى قۇمارعالي جايىم ۇلى سادىبەك تۇگەلدىڭ قوزعالىستىڭ جۇمىسىن جانداندىرىپ، يگى ىستەردىڭ باستاماشىسى بولىپ العا جەتەلەپ كەلە جاتقاندىعىنا توقتالىپ ءوزىنىڭ شىعارماشىلىق يەسىنە ارنالعان ارناۋىن وقىدى. كەش بارىسىندا سادىبەك تۇگەلدىڭ ەلوردانىڭ تۇڭعىش باسپا ءسوز حاتشىسى، جۋرناليستيكا سالاسىنداعى ەلەۋلى ەڭبەگىن دە ارىپتەستەرى تىلگە تيەك ەتتى. ايتا كەتسەك، ءىس-شارادا اۆتوردىڭ ەڭبەكتەرىنە ارنالعان كىتاپتار مەن فوتوسۋرەتتەر كورمەسى ۇيىمداستىرىلدى.

ۇسىنعان: ادىلەت مادەنيەت